بۇيرەگىمىزدى قۇرتاتىن ادەتتەرىمىز

استانا. قازاقپارات - بۇيرەك - ءبىزدىڭ ەڭ ماڭىزدى ءارى ەڭ نازىك اعزالارىمىزدىڭ ءبىرى.

الايدا كەيبىر جامان ادەتتەر بۇيرەگىمىزگە زيان كەلتىرەتىنىن بىلە بەرمەۋىمىز مۇمكىن. ول قانداي ادەتتەر؟

گازدالعان، ءتاتتى سۋسىنداردى كوپ ءىشۋ؛

ىشىمدىك، تەمەكىگە اۋەستىك؛

ۇيقىنىڭ تۇراقسىزدىعى؛

سۋدى قاجەتتى مولشەرىنەن (كۇنىنە 2 ل) از ءىشۋ؛

تۇزدى، اشى، مايلى تاعامداردى كوپ جەۋ؛

شاي، كوفە سياقتى كوفەينى كوپ سۋسىنداردى ءجيى قولدانۋ؛

ءدارى- دارمەكتەردى (باس اۋرۋ، اۋرۋدى باساتىن) كوپ تۇتىنۋ؛

قوزعالىستىڭ ازدىعى؛

ۆ 6 دارۋمەنىنىڭ جەتىسپەۋى. بۇيرەكتىن قالىپتى جۇمىسى ءۇشىن كۇنىنە ۆ 6 دارۋمەنىنىڭ 1,3 مگ. ى قاجەت. ونى بالىق، جاسىل بۇرشاق، سيىر باۋىرى، كارتوپ، تسيترۋستى ەمەس جەمىستەردىڭ قۇرامىنان تابا الامىز؛

بەلوكتىڭ تىم كوپتىگى. ول ەت، قۇس ەتى، ىرىمشىك، جۇمىرتقا، ءتۇرلى بۇرشاقتار، جارمالار، جاڭعاقتاردا وتە كوپ. سوندىقتان بۇل تاعامداردى مولشەردەن تىس جەۋگە بولمايدى.