جۇرەك تالماسى بولاردان ءبىر اي بۇرىنعى بەلگىلەر

نۇر- سۇلتان. قازاقپارات - ءسىز سوڭعى جىلدارى ادامداردىڭ جاستايىنان قايتىس بولۋىنا نەنىڭ كوپتەپ سەبەپ بولىپ جاتقانىن بىلەسىز بە؟ بۇل - جۇرەك تالماسى.

دۇرىس تاماقتانباۋ، سالاۋاتتى ءومىر سالتىن ۇستانباۋ، ۇنەمى جۇيكەمىز جۇقارىپ ءجۇرۋ سىندى جامان ادەتتەرىمىزگە اسا كوڭىل بولمەيمىز. جىلدار بويى جينالعان زياندى زاتتار وسىنداي اۋىر دەرتكە شالدىقتىرۋى مۇمكىن.

جۇرەك- اۋرۋى

ءبىز بۇل جەردە دەرتتىڭ الدىن الىپ دۇرىس ءجۇرىپ- تۇرۋ جايلى ايتپايمىز. تەك باستالىپ كەلەجاتقان دەرتتىڭ ءبىر كۇنى جارىلاتىنىن سەزدىرەتىن بەلگىلەر جايلى ايتامىز. ەڭ كوبى ءبىر اي بۇرىنعى مىناداي بەلگىلەرمەن تانىس بولىڭىز:

1 شارشاڭقىلىق

ادامنىڭ كۇرە تامىرلارى تارىلعان كەزدە ادام اعزاسىنداعى ادەتتەگىگە قاراعاندا ازايادى. ول قان اينالىم جۇيەسىندەگى جۇمىستى باياۋلاتادى. بۇل ماسەلەلەردىڭ العاشقى بەلگىلەرى: ۇيقىشىلدىق، ادام ءوزىن ۇنەمى شارشاڭقى سەزىنەدى.

2 تىنىس الۋدا ۇزىلىستەر پايدا بولادى

ەگەر ادامنىڭ جۇرەگىنە باراتىن قان مولشەرى ازايسا، ول ادەتتەگى نورماداعى وتتەگىن الا المايدى دەگەن ءسوز. جۇرەكتەگى قان اينالىمى مەن وكپەدەگى وتتەگىنىڭ مولشەرى ءبىر- بىرىمەن وتە تىعىز بايلانىستاعى دۇنيەلەر. سوندىقتان تىنىسىڭىز تارىلسا ۋاقىت جوعالتپاستان دارىگەرگە كورىنگەنىڭىز دۇرىس.

3 السىزدىك

ەگەر دەنەڭىزدى كوتەرە الماستاي السىزدىكتى سەزىنسەڭىز ءسىزدىڭ بويىڭىزدا قانىڭىز ازايعان. ءسىزدىڭ بۇلشىقەتتەرىڭىز قاجەتتى وتتەك پەن كەرەكتى مولشەردەگى سۇيىقتىقتى الا الماي وتىر دەگەن ءسوز. ەگەر قيمىل- قوزعالىس جاساعان كەزدە السىزدىكتى سەزىنەتىن بولساڭىز ول ءسىزدىڭ جۇرەك قان تامىرلارى جۇيەسىمەن تىكەلەي بايلانىستى ءبىر دەرتتىڭ پايدا بولۋىنىڭ باستاپقى ساتىسى دەگەن ءسوز.

4 باس اينالىپ، مۇزداي تەر شىعۋى مۇمكىن

ميعا قان قاجەتتى مولشەردە تاسمالدانباعان جاعدايدا ادام ومىرىنە ۇلكەن قاۋىپ تونەدى. ەگەر دەنەڭىزدەن مۇزداي تەرى ءجيى شىعىپ، باسىڭىز ءجيى انالاتىن بولسا بۇل دا جۇرەك تالماسىنىڭ العاشقى بەلگىلەرىنىڭ ءبىرى بولىپ سانالادى..

5 كەۋدە تۇستان قىسىلۋ بەلگىسى

ەگەر ءسىزدىڭ كەۋدەڭىز قىسىلىپ، سول جەردە جايسىزدىق سەزەتىن بولساڭىز بۇل ءجاي قارايتىن زات ەمەس. ۋاقىت وتە كەۋدە تۇستىڭ قىسىلۋى جيىلەيتىن بولادى. بۇل بەلگىنىڭ الدىن الماساڭىز جۇرەك تالماسىن باستان وتكىزۋىڭىز ابدەن مۇمكىن.

6. جاۋراۋىقتىق

ەگەردە سىزدە تۇماۋدىڭ بەلگىلەرى جيىلەپ كەتسە، ويلاماعان جەردەن جاۋراپ، مۇزداپ جايسىزدىق سەزىنۋىڭىز جيىلەسە جۇرەك تالماسى جاقىندادى دەگەن ءسوز. سەبەبى جۇرەك تالماسىن باستان وتكىزگەندەردىڭ كوبى بىرنەشە كۇن بۇرىن تۇسىنىكسىز جاعدايدا تۇماۋ اۋرۋىنا شالدىققاندارىن ءجيى ايتادى.

ەگەردە وسى بەلگىلەردى ءوزىڭىز بولماسا جاقىنىڭىزدىڭ بويىنان بايقاعان بولساڭىز ۋاقىت جوعالتپاي دارىگەردىڭ كومەگىنە جۇگىنىڭىز. ەڭ دۇرىسى جۇرەك تالماسىنىڭ بەلگىلەرى پايدا بولا باستاعان كەزدەن ەمدەلۋ. ءارى الدىن الۋ كەزىندە ادامعا ەم قونىپ، دەرتتەن تولىقتاي ايىعىپ كەتۋى ابدەن مۇمكىن.

Stan.kz