جانارمايسىز ۇشاق جەردى اينالىپ شىعۋعا جاقىن

مارەگە جاقىن قالعان ۇشاق كاير قالاسىنداعى اۋەجايعا كەلىپ قوندى. ۇشاقتىڭ ەندىگى باعىتى - ابۋ-دابيگە جەتىپ، ساپاردى تۇيىندەۋ.

Solar Impulse 2 دەگەن اتاۋعا يە اۋە كەمەسى 17 مىڭ كۇن باتارەياسىمەن جابدىقتالعان. سوڭعى 16 اي ىشىندە ول 15 قالاعا ايالداپ، 35 مىڭ شاقىرىم قاشىقتىقتى ۇشىپ ءوتتى. تىنىق مۇحيتتى، امەريكا كونتينەنتىن، اتلانتيكانى، ەۋروپانى باعىندىرعان ۇشاق بىلتىر اۋەدە 120 ساعاتتان ارتىق ۋاقىت قالىقتاپ، رەكورد ورناتقانىن دا ايتا كەتۋ كەرەك.

كۇننەن قۋات الاتىن ۇشاقتىڭ قاناتتارىنىڭ ۇزىندىعى Airbus A340 بىردەي، ياعني، 63 مەترگە تەڭ، سالماعى - 1600 كيلو. بالاما ەنەرگيانى ناسيحاتتاۋ ماقساتىندا جاسالعان ۇشاقتىڭ ساپارىنا قازىر الەم جۇرتشىلىعى كوز تىگىپ وتىر دەۋگە بولادى.

«ەگەمەن قازاقستان»