بۇل كەشە عانا تۇركيانىڭ بەلگىلى عالىمى، «Aydin» ۋنيۆەرسيتەتىنىڭ پروفەسسورى مەتين اكاردىڭ ايتقان پىكىرى ەدى.
جىل باسىنان بەرى بىرنەشە تەرراكتىنى باستان وتكەرگەن تۇرىك ەلى بۇل كۇنى فرانسۋز حالقىنىڭ قايعىسىنا ورتاقتاسىپ، قازا تاپقانداردىڭ وتباسىلارىنا كوڭىل ايتۋدا. وسىعان وراي، تۇركيا پرەمەر-ءمينيسترى بينالي يىلدىرىم ەل ىشىندە مەملەكەتتىك تۋلاردىڭ تومەن تۇسىرىلەتىنىن ءمالىم ەتتى.
مەتين اكار «Aydin» ۋنيۆەرسيتەتىنىڭ پروفەسسورى:
- فرانتسيادا بولعان لاڭكەستىك شابۋىل الەمنىڭ كەز- كەلگەن قالاسىندا ورىن الۋى مۇمكىن. ويتكەنى بۇل ءقاۋىپ- قاتەرلەر ءبىر شەكارانىڭ شەڭبەرىندە ەمەس، عالامدىق سيپات العانىنا كوز جەتكىزدىك. تەرروريزمدى تۋدىرعان بىرنەشە سەبەپ بار. مىسالى يمپەراليستىك مەملەكەتتەردىڭ ەزگىسىندە قالعان جەكەلەگەن ەلدەر، توپتار ساياسي- ەكونوميكالىق بوداندىقتان ارىلۋ ءۇشىن ءوز نارازىلىقتارىن وسىنداي راديكالدى جولمەن ءبىلدىرۋدى ءجون سانايدى. ەكىنشىدەن، بۇل لاڭكەستىك ۇيىمدار وزدىگىمەن پايدا بولعان جوق. ولارعا قارجىلاي قولداۋ كورسەتكەن استىرتىن دەمەۋشىلەر بار. سوندىقتان لاڭكەستىكپەن كۇرەستە ءبىر ءدىندى، ءناسىلدى نە ۇلتتى قارالاۋعا بولمايدى. قايتا ونىمەن بىرلەسىپ كۇرەسۋدىڭ ارەكەتىنە كوشۋىمىز ءتيىس.
www.24.kz