تۋمىسىنان ەكى اياعى جوق قاقپاشىنىڭ ەرلىگى جانكۇيەرلەرىن ءسۇيسىنتتى - فوتو
اتالعان باسەكەدە يندونەزيالىق ويىنشى اياعىنىڭ جوقتىعىنا قاراماي ونەر كورسەتۋدە.
بۇل تۋرالى eurosport.ru سايتى حابارلايدى.
يندونەزيالىق ەمان سۇلەيمان ازىرگە چەمپيوناتتىڭ ەڭ باستى باتىرى سانالۋدا.
«ەماننىڭ تۋمىسىنان ءبىر اياعى جوق، اتا-اناسى مۇگەدەك بالاسىنان باس تارتقان. ول ومىرگە كەلگەلى بەرى كوشەدە تۇرادى»، - دەيدى يندونەزيانىڭ باس باپكەرى ريۋكي كۋرنياۆان.
بۇگىندە ەمان يندونەزيا ساپىندا ءۇندىستان جانە كامبودجا قۇرامالارىن جەڭىپ، تۋرنيردىڭ ەكىنشى اينالىمىنا شىقتى. اياعىنا پروتەز كيىپ وينايتىن ول تۋرنيردە جەڭىسكە جەتۋدى ارماندايدى.
فۋتبولدان ۇيسىزدەر اراسىنداعى الەم چەمپيوناتىن وتكىزۋدى شوتلاندتىق كاسىپكەر مەل يانگ پەن اۆستراليالىق كوشە گازەتىنىڭ رەداكتورى حارالد شميدت ويلاپ تاپقان. چەمپيوناتتىڭ باستى ماقساتى - ءۇيى جوق، كوشەنى پانالايتىن ادامدارعا قوعامنىڭ نازارىن اۋدارىپ، ولاردىڭ ومىردەن ءوز ورنىن تابۋعا كومەكتەسۋ.
تۋرنيردى ۇلتتىق قۇرامالار مەن كلۋبتارعا سالىنعان ايىپپۇل ەسەبىنەن ۋ ە ف ا قارجىلاندىرىپ كەلەدى.