قازاقستاندىق وقۋشى جازدا ا ق ش- تاعى ناسا-عا قاراستى استرانوميا مەكتەبىندە وقۋ گرانتىن ۇتىپ الدى
ەندى ول دەمالىسىندا مارستى زەرتتەيتىن بولادى.
بۇل تۋرالى قازاقستان جاڭالىقتارى حابارلايدى.
قازاقستان جاعرافيا قوعامىنىڭ باسپا ءسوز قىزمەتى 10-سىنىپ وقۋشىسى NASA- عا قاراستى مەكتەپتە تاجىريبە جۇرگىزۋ ءۇشىن ا ق ش- قا اتتاناتىن بولدى، دەپ حابارلادى.
بەرىلگەن مالىمەت بويىنشا 16 جاسار دىنمۇحاممەد مايلىباي الماتىداعى فيزيكا-ماتەماتيكا پاندەرىن تەرەڭدەتىپ وقىتاتىن مەكتەپتەردىڭ بىرىندە ءبىلىم الىپ ءجۇر. ول بۇعان دەيىن ەل ىشىندەگى، حالىقارالىق بىرنەشە جارىستاردىڭ جەڭىمپازى اتانعان. وقۋشى 10 جاسىنان باستاپ استرانوميانى تەرەڭدەتە وقىپ كەلەدى ەكەن. ءوز بەكتەبىندە اترونومياعا قىزىعاتىندارعا ارناپ كلۋب تا اشىپتى.
دىنمۇحاممەد ا ق ش- تا استروناۆت بولىپ جۇمىس ىستەيتىن ماماننىڭ سىناعىنان سۇرىنبەي وتكەن. وقۋشىلار كونكۋرسىندا 23 ەلدىڭ تەك 55 وقۋشىسى عانا جولداماعا يە بولعان.
«مەن ەڭ بىلىكتى ماماندار قىزمەت ەتەتىن استرونوميالىق مەكتەپتە تاجىريبەدەن وتەرىمە وتە قۋانىشتىمىن. مەنىڭ وتباسىم United Space School مەكتەبىنە اقىسىن تولەپ وقىتاتىن جاعدايدا ەمەس. ول جەردە العان ءبىلىمىمدى ءوز مەكتەبىمدە اشقان كلۋب مۇشەلەرىمەن بولىسەتىن بولامىن»، - دەيدى دىنمۇحاممەد.