انالوگتىق تاراتىلىمنىڭ كەزەڭ-كەزەڭمەن ءوشىرىلۋى موبيلدى بايلانىستى دامىتادى - داۋرەن ابايەۆ
ءىس- شارا بارىسىندا انالوگتىق ەفيرلىك تەلەتاراتىلىمدى قازاقستان رەسپۋبليكاسىنىڭ اۋماعىندا كەزەڭ- كەزەڭمەن توقتاتۋ ماسەلەسى تالقىلاندى.
بۇل تۋرالى ق ر اقپارات جانە كوممۋنيكاتسيالار مينيسترلىگىنىڭ باسپا ءسوز قىزمەتى حابارلادى.
ءمينيستردىڭ ايتۋىنشا، سيفرلىق ەفيرلىك تەلەتارالىمدى قولدانىسقا ەنگىزۋ جانە دامىتۋ، ساپالى سيفرلىق وتاندىق تەلەارنالاردىڭ حالىققا قولجەتىمدىلىگىن قامتاماسىز ەتۋ - الەۋمەتتىك تۇرعىدان ماڭىزدى جوبا.
«انالوگتىق ەفيرلىك تاراتىلىمنىڭ كەزەڭ- كەزەڭمەن ءوشىرىلۋى ءموبيلدى بايلانىستىڭ دامۋىنا، انالوگتىق جەلىمەن قىزمەت كورسەتۋ شىعىندارىن ازايتۋعا، حالىقارالىق مىندەتتەمەلەردى ورىنداۋعا جانە اۋداندىق تەلەراديو حابارلارىن تاراتۋدىن وركەندەۋىنە سەبەپ بولماق»، - دەدى د. ابايەۆ.
سونداي-اق، راديوجيىلىك سپەكترىن بوساتۋ ۇيالى بايلانىستىڭ ءتورتىنشى بۋىنى - 4G- دى ەنگىزۋدى جىلدامداتۋعا مۇمكىندىك بەرمەك.
سونىمەن قاتار، جيىن بارىسىندا ۇلتتىق تەلەراديو حابارلارىن تاراتۋ جەلىسىن «Intelsat-904» شەتەلدىك سپۋتنيگىنەن وتاندىق ك ا «KazSat-3» سپۋتنيگىنە اۋىستىرۋ ماسەلەسى تالقىلاندى.
«جەلىنى شەتەلدىك سپۋتنيكتەن وتاندىق سپۋتنيككە اۋىستىرۋ تەحنيكالىق تۇرعىدان دا، ساياسي تۇرعىدان دا قاجەتتى بولۋدا. وسىعان بايلانىستى «OTAU TV- دىڭ» بارلىق ابونەنتتەرىن قازاقستاندىق «قازسات-3» سپۋتنيگىنە كوشىرۋگە كۇش سالۋىمىز كەرەك»، - دەدى مينيستر.
ءمينيستردىڭ ايتۋىنشا، اۋىستىرۋعا قاتىستى بارلىق تەحنيكالىق ءىس- شارالار وسى جىلدىڭ قىركۇيەك اياعىنا دەيىن اياقتالۋى قاجەت.
جيىن سوڭىندا ب ا ق ارقىلى حالىققا اقپاراتتىق ناسيحات جۇرگىزۋدى كۇشەيتۋ تۋرالى تاپسىرما بەرىلدى. «قازتەلەراديو» ا ق- نا «OTAU TV» ابونەنتتەرىنىڭ «قازسات-3» سپۋتنيگىنە تولىقتاي كوشىرىلۋى جانە جەرگىلىكتى ورگاندارمەن بىرلەسە وتىرىپ، اتاۋلى الەۋمەتتىك كومەك الاتىن جانۇيالارعا سيفرلىق ەفيرلىك تاراتىلىم قىزمەتتەرىن قوسۋ ماسەلەسىن ازىرلەۋ تاپسىرىلدى.