نيسساداعى تەراكت: جۇك كولىگى جۇرگىزۋشىسى فرانسيا مەن تۋنيستىڭ ازاماتى بولعان

بريۋسسەل. قازاقپارات - وتكەن تۇندە نيسسادا بولعان تەراكتى جايلى جاڭا مالىمەتتەر انىقتالدى.

بەيسەنبى كۇنى كەشكە نيسسا جاعالاۋىندا باستيليا قامالىن الۋ كۇنىن تويلاۋ بارىسىندا جۇك كولىگى ادامداردى باسىپ، كەيىن كولىكتەن جيىلعاندارعا وق اتىلعان.

شابۋىل سالدارىنان 80 ادام قازا تاپتى، ونىڭ ىشىندە بالالار بار، تاعى 18 ى اۋىر جاراقات الدى، 100 دەن استام ادام جارالاندى.

فرانسيالىق ب ا ق جۇك كولىگىنەن 31 جاستاعى نيسسا تۇرعىنىنىڭ جەكە كۋالىگىن تاپقانىن، ونىڭ فرانسيالىقپەن قاتار تۋنيس ازاماتى بولعانىن حابارلادى.

ەسكە سالا كەتەيىك، جۇك كولىگىنىڭ جۇرگىزۋشىسىن پوليتسيا اتىپ تاستادى. كۇش قۇرىلىمدارى ونىڭ سىبايلاستارىنىڭ بولعانىن نە بولماعانىن انىقتاپ جاتىر.

بيلىك ورگاندارى جۇرگىزۋشى ءجۇرىپ بارا جاتقاندا وق اتقانىن، ال كولىك ىشىندە قارۋ مەن گراناتا بولعانىن ايتۋدا.

كۋاگەرلەردىڭ ايتۋىنشا، جۇك كولىگىنىڭ جۇرگىزۋشىسى كوپ ادامدى دوڭعالاق استىندا قالدىرۋ ءۇشىن ءارلى-بەرى ءجۇرىپ وتىرعان. ونىڭ ساعاتىنا 50 ك م جىلدامدىقپەن 2 ك م ادامداردى باسىپ ءجۇرىپ وتكەنى جايلى حابارلاندى.

 شابۋىلعا جاۋاپكەرشىلىكتى ەشبىر توپ موينىنا المادى.