نيسساداعى جۇك كولىگى جۇرگىزۋشىسىنىڭ كىم ەكەنى انىقتالدى

استانا. قازاقپارات - نيسسا جاعالاۋىندا ونداعان ادامدى باسىپ-جانشىعان جۇك كولىگىنىڭ رۋلىندە تۋنيستە دۇنيەگە كەلگەن 31 جاستاعى جەرگىلىكتى تۇرعىن بولعان.

بۇل تۋرالى Lenta.ru Nice Matin باسىلىمىنا سىلتەمە جاساپ حابارلادى.

BFM تەلەارناسى حابارلاعانداي، جۇك كولىگىنەن پوليتسيا اتىپ تاستاعان جۇرگىزۋشىنىڭ جەكە كۋالىگى تابىلدى.

ەسكە سالا كەتسەك، 14 -شىلدەدە نيتستسا قالاسىندا تەراكت ورىن الدى. جاعالاۋدا مەرەكە قۇرمەتىنە بەرىلەتىن وت شاشۋعا جينالعان حالىقتى جۇك كولىگى باسىپ-جانشىپ وتكەن. كەيىن وق اتقانى تۋرالى حابار ءتۇستى، الايدا ول رەسمي تۇردە راستالمادى.

پروۆانس- الپى- لازۋرنىي بەرەگ ءوڭىرىنىڭ باسشىسى كريستيان ەستروزيدىڭ اقپاراتىنشا، سالدارىنان 77 ادام قازا تاپتى.  Le Figaro  اقپاراتى بويىنشا 80 ادام اجال قۇشقانى تۋرالى حابارلاندى.

نيتستسا بيلىگى مۇنى تەراكت دەپ اتاسا، ازىرگە كۇش قۇرىلىمدارىنىڭ وكىلدەرى مۇنى تەررورلىق اكت ەكەنىن ايتپاي وتىر.