قازاقستان مەن موڭعوليا دەنساۋلىق سالاسىندا تاجىريبە الماسۋ تۋرالى كەلىستى
19:51, 14 - شىلدە 2016
استانا. قازاقپارات - قازاقستان پرەمەر- ءمينيسترى كارىم ءماسىموۆتىڭ موڭعولياعا جۇمىس ساپارى اياسىندا ق ر دەنساۋلىق ساقتاۋ جانە الەۋمەتتىك دامۋ ءمينيسترى موڭعوليا دەنساۋلىق ساقتاۋ جانە سپورت ءمينيسترى سامبۋۋ لامباامەن كەزدەستى.
ونىڭ بارىسىندا ەكى ەل وكىلدەرى اعزالاردى ترانسپلانتتاۋ بويىنشا تاجىريبە الماسۋ تۋرالى ۋادەلەستى، دەپ حابارلايدى Pm.kz.
ۆەدومستۆودا مالىمدەگەندەي، ت. دۇيسەنوۆا مەن س. لامباا مەديتسينالىق كادرلاردى دايارلاۋ مەن ولاردىڭ بىلىكتىلىگىن ارتتىرۋ ماسەلەلەرىن تالقىلادى. موڭعوليا ازاماتتارىن قازاقستانداعى مەديتسينالىق ج و و- دا وقىتۋ مەن موڭعوليا مەديتسينالىق قىزمەتكەرلەرىنىڭ ءبىزدىڭ ەلىمىزدەگى مەديتسينالىق ۇيىمداردا تاجىريبەدەن ءوتۋى تۋرالى كەلىسىلدى.
كەزدەسۋ سوڭىندا ت. دۇيسەنوۆا دەنساۋلىق ساقتاۋ سالاسىنداعى ەكىجاقتى ىنتىماقتاستىقتىڭ بولاشاقتا ءارى قاراي جالعاساتىنىنا سەنىم ءبىلدىردى.