استانانىڭ بۇرىنعى پوليتسەيلەرى پارا العانىنا وكىندى
بۇل تۋرالى جەمقورلىققا قارسى قىزمەت ۇيىمداستىرعان پروفيلاكتيكالىق ءدارىس كەزىندە ايتىلدى.
جول پوليتسياسىنىڭ جەكە قۇرامىنا پارا العانى ءۇشىن ۇستالىپ، قازىر جازالارىن وتەپ جاتقان ءتارتىپ ساقشىلارى جايلى ۆيدەوروليك كورسەتىلدى. سونىڭ ىشىندە ەلوردالىق پوليتسيانىڭ بۇرىنعى قىزمەتكەرلەرى د. ەدىلوۆ پەن ب. سپانوۆتىڭ وكىنگەنى كورسەتىلدى.
«استانا قالاسى ىشكى ىستەر ورگاندارىنداعى ءاربىر بەسىنشى جەمقورلىق قىلمىستى جول پوليتسەيلەرى جاساعان. كوپ جاعدايدا ولار پارا العانى جانە قىزمەتىن اسىرا پايدالانعانى ءۇشىن قىلمىستىق جاۋاپكەرشىلىككە تارتىلادى»، - دەپ حابارلادى سىبايلاس جەمقورلىققا قارسى ءىس- قيمىلدار ۇلتتىق بيۋروسىنىڭ باسپا ءسوز قىزمەتىنەن.
سونىمەن قاتار ق ر ءى ءى م قۇرىلىمدىق جانە اۋماقتىق قۇرىلىمدارىنىڭ باسشىلارى جاساعان قىلمىستاردان مىسالدار كەلتىرىلدى.
ۇلتتىق بيۋرو ءتوراعاسىنىڭ ورىنباسارى اليك شپەكبايەۆ جول پوليتسەيلەرى قاتارىندا كەز كەلگەن جەمقورلىق ارەكەتتەرگە ابسوليۋتتى توزىمسىزدىك ورتاسىن قالىپتاستىرۋ كەرەك ەكەنىن ايتتى.
سونىمەن قاتار جەمقورلىققا قارسى قىزمەت قىتايلىق تاجىريبە بويىنشا جول پوليتسەيلەرى ءۇشىن تۇرمەگە «ەكسكۋرسيا» ۇيىمداستىرۋدى ۇسىندى.