ارتىق سالماق ايەلدەرگە قاراعاندا ەرلەرگە ءۇش ەسە قاۋىپتى ەكەنى انىقتالدى
ءتۇرلى ەلدەردىڭ ءبىر توپ عالىمى الەم بويىنشا 189 زەرتتەۋ مالىمەتتەرىن جيدى. وعان شامامەن 4 ميلليون ادام قاتىستى.
Lancet مەديتسينالىق جۋرنالىندا جاريالانعان توقتامدارعا سايكەس، ەۋروپا مەن سولتۇستىك امەريكادا مەرزىمىنەن بۇرىن ءولىمنىڭ نەگىزگى سەبەپتەرىنىڭ تىزىمىندە تەمەكى شەگۋدەن كەيىنگى ەكىنشى ورىندا سەمىزدىك تۇر.
"ەۋروپادا مەرزىمىنەن بۇرىن ءولىمنىڭ ءاربىر جەتىنشى جانە سولتۇستىك امەريكاداعى مەرزىمىنەن بۇرىن بولعان ءولىمنىڭ ءاربىر بەسىنشى جاعدايى ارتىق سالماق جانە سەمىزدىكپەن بايلانىستى"، - دەدى زەرتتەۋشىلەردىڭ ءبىرى پروفەسسور ريچارد پەتو.
ارتىق سالماقتان زارداپ شەگەتىندەر وزگەلەرگە قاراعاندا ءۇش جىل ەرتە اجال قۇشادى. كەي جاعدايلاردا ءومىرى 10 جىلعا قىسقارۋى مۇمكىن.
جەر تۇرعىندارىنىڭ شامامەن 0 ى ارتىق سالماق نەمەسە سەمىزدىكتەن زارداپ شەگەدى. بۇل 2,1 ميللياردقا جۋىق ادام.