ك. ءماسىموۆ موڭعوليانىڭ بايان ولگەي ايماعىنداعى ولكەتانۋ مۇراجايىنا باردى
ايماقتا مادەني سالا جەرگىلىكتى قازاق دياسپوراسىنىڭ ارقاسىندا دامىپ وتىر - ايماقتا قازاق دراما تەاترى جۇمىس ىستەيدى، جىل سايىن ناۋرىز مەرەكەسى كەڭىنەن اتالىپ ءوتىپ، بۇركىتشىلەر اراسىندا جارىستار ۇيىمداستىرىلادى.
وسىعان وراي، ولكەتانۋ مۇراجايىنىڭ ەكسپوزيتسيالارى دا جەرگىلىكتى تۇرعىنداردىڭ تۇرمىس- تىرشىلىگىنە ارنالعان. مۇراجاي 1948 -جىلى قۇرىلعان. قازىرگى كەزدە ونىڭ قورلارىندا 5200-دەن استام ەكسپونات بار.
مۇراجايدى ارالاعان ك. ءماسىموۆ مۇنداعى ەكسپوزيتسيالارمەن تانىسىپ، ونىڭ باسشىلىعىمەن، جەرگىلىكتى قازاق زيالىلارىنىڭ وكىلدەرىمەن اڭگىمەلەستى.
مۇراجايدىڭ ايماقتىڭ تابيعاتىنا، تاريحى مەن ەتنوگرافياسىنا ارنالعان بولىمدەرىندە جەرگىلىكتى قازاق دياسپوراسىنىڭ قايتالانباس ونەر ۇلگىلەرى مەن ەسكەرتكىشتەرى، ونىڭ تاريحى تۋرالى مالىمەتتەر قويىلعان.
جىل سايىن مۇراجايعا 10 مىڭنان استام تۇرعىندار مەن تۋريستەر كەلەدى.
ەستەرىڭىزگە سالساق، ق ر پرەمەر-ءمينيسترى 15 -شىلدە كۇنى ۇلانباتىر قالاسىندا وتەتىن XI ا س ە م سامميتىنە قاتىسۋ ءۇشىن موڭعولياعا كەلدى.