ەرنار ايداردى اناسى بيىلدان قالدىرماي ۇيلەندىرمەك

فوتو: None
استانا. قازاقپارات - ءانشىنىڭ اناسى بيىل ۇلىن ۇيلەندىرگىسى كەلەتىنىن ايتتى. مۇنىمەن قاتار، بولاشاق كەلىنىنە قويىلاتىن «تالاپتارى» تۋرالى باياندادى.

بۇل تۋرالى Stan.kz استانا ارناسىنىڭ «انالار»باعدارلاماسىنا سىلتەمە جاساپ حابارلايدى.

ەرنار ايدار كوپبالالى وتباسىنىڭ كەنجەسى. ءوزىنىڭ الدىنداعى ءۇش اعاسى ۇيلەنىپ، شاڭىراق كوتەرگەن. توعىز نەمەرە تاربيەلەپ وتىرعان اناسى ەندى ەرنار ايداردى ۇيلەندىرگىسى كەلەتىنىن ايتادى. ءتىپتى، بيىلدان قالدىرماساق دەگەن نيەتى بار.

«ەرنارىمنىڭ ۇيلەنەتىن ۋاقىتى كەلدى. ونىڭ ۇيلەنگەنىن اسىعا كۇتىپ ءجۇرمىن. كەلىندى دە كۇتىپ ءجۇرمىز. بيىل، بۇيىرسا، ۇيلەن دەپ وتىرمىن. ءوزىنىڭ الدىندا ءۇش اعاسى مەن ءۇش جەڭگەسى بار. ەروش كەلە جاتىر دەسەم بولعانى، كەلىندەرىم «اقجىگىت كەلدى» دەپ سۇيىكتى تاماعىن دايىنداپ، مول داستارحانىن جايىپ قويادى»، - دەيدى اناسى.

اناسى كوكەيىندە جۇرگەن جالعىز ارمانىمەن ءبولىسىپ قانا قويماي، بولاشاق كەلىنىنە قۇلاققاعىس ەتتى. بالاسىنىڭ ەركە مىنەزى مەن سۇيىكتى تاعامدارى تۋرالى تولىعىراق ايتىپ بەردى.

«ەرناردىڭ ەڭ سۇيىكتى تاعامى - ءمانتى. قويدىڭ قۇيرىق مايىن قولدان تۋراپ، ادەمىلەپ جاساپ بەرەمىن. سۇيىق تاماقتى ونشا ۇناتپايدى. مۇنى بولاشاق كەلىنىم دە ءبىلىپ، بايقاپ جۇرسە ەكەن دەيمىن.

ءۇش كەلىنىم دە ءوزىمنىڭ ويىمداعىداي بولىپ ءتۇستى. قاتال بولاتىن كەزدە قاتالدىق تانىتامىن. كەمشىلىكتەرى بولسا، بىردەن ايتامىن. كەلىندەرىمە دە، قىزدارىما دا بارعان جەردە قالاي ءسىڭىسۋ كەرەكتىگىن، اتا- ەنەگە قالاي قاراۋ كەرەكتىگىن ايتىپ وتىرامىن»، - دەيدى اناسى.

ال ءانشىنىڭ ءوزى جۋىردا وتباسىن قۇرماسا دا، اتا- اناسىنىڭ بەرگەن تاربيەسىن اقتاۋ ءۇشىن بارلىعىن جاسايتىنىن ايتىپ ءوتتى.