تورەعالي تورەالى «ميلليونەر» اتاندى
18:20, 13 - شىلدە 2016
استانا. قازاقپارات - تانىمال ءانشى تورەعالي تورەالىنىڭ جەلىدەگى پاراقشاسىنا جازىلۋشىلار سانى ميلليونعا جەتتى .
بۇل ءسۇيىنشى حابارمەن ءانشىنىڭ ءوزى Instagram پاراقشاسىندا بولىسكەن.
" ۇلىڭنىڭ باسىپ جاتسا ءىسى ىلگەرى،
اسقاقتاپ كەتتى دەمەي ءتۇسىن مەنى.
قازاقتىڭ ەڭ باقىتتى ءانشىسىمىن،
ءتاڭىرىم نۇرىن مىنە تۇسىرگەلى.
سىيىپ تۇر ينستاما ءبىر استانا،
ىزدەيتىن ءاربىر ءانىم ءۇشىن مەنى.
اسسالاۋماعالەيكۇم ميلليون دوسىم،
ون جەتى ميلليوننىڭ ىشىندەگى!"، - دەپ ولەڭ شۋماقتارىمەن قۋانىشىن جەتكىزدى ءانشى.
تورەعالي بۇل جازباسىن #ميلليونتەڭگەڭ بولعانشا، #مەن سىزدەرمەن بىرگەمىن، #مەن سىزدەرمەن باقىتتىمىن دەگەن حەشتەگتەرمەن جاريالاعانىنا قاراعاندا، بۇل جايت ءانشىنى وتە باقىتتى ەتكەن سىڭايلى.
ال جەلى قولدانۋشىلارى انشىگە قۇتتىقتاۋلارى مەن اق تىلەكتەرىن جاۋدىردى.