ءاسانالى ءاشىموۆ قازاقستاندىق كينوگەرلەردى باتىسقا ەلىكتەيدى دەپ كىنالادى - فوتو
«بۇگىن وتاندىق كينەماتوگرافيا سالاسى ءۇشىن تاريحي كۇن. ءبىز كينونى دامىتۋ تۋرالى تۇجىرىمداما مەن كينو تۋرالى زاڭنىڭ جوباسىن تالقىعا سالۋ ءۇشىن جينالدىق. بۇرىن ءبىز: «كينەماتوگرافياعا زاڭنىڭ قاجەتى نە؟» دەۋشى ەدىك. قازىر، ول زاڭنىڭ كەرەك ەكەنىن بارلىعىمىز دا جاقسى تۇسىنەمىز. رەسەيدە بۇدان 10 جىل بۇرىن قابىلدانعان «كينو تۋرالى» زاڭدى مۇقيات قاراپ شىعۋ قاجەت دەپ ويلايمىن. بۇگىندە وتاندىق كينونىڭ وزىنە ءتان ەرەكشەلىگى، قاسيەتى جوق دەۋگە بولادى. كوپتەگەن جوبالار - باتىستىق كينو تۋىندىلارعا ەلىكتەۋدەن تۋعان. ءبىراق، بىزدە جاقسى كادرلار بارشىلىق. ولارعا قولداۋ كورسەتىپ، ۇلتتىق سيپاتتاعى كينوتۋىندىلار تۇسىرۋگە تارتۋىمىز قاجەت»، - دەدى ءوز سوزىندە ك س ر و حالىق ءارتيسى، كينو جانە تەاتر رەجيسسەرى ءاسانالى ءاشىموۆ.
دوڭگەلەك ۇستەل بارىسىندا ساپالى فيلمدەردى كوپتەپ ءتۇسىرۋ، كينو ونەرى سالاسىنا مەملەكەتتىك قولداۋ كورسەتۋ، كينوتەاتر جەلىلەرىن دامىتۋ، قازاقستاندىق كينو ءوندىرىسى سالاسىنىڭ تارتىمدىلىعىن ارتتىرۋ جانە باسقا دا ماسەلەلەر تالقىلاندى.
سونداي-اق، قازاقستان كينوسى قورىن، ءبىرىڭعاي مەملەكەتتىك فيلمدەر قورىن، «قازاق فيلم» ا ق اۋماعىندا ارنايى ەكونوميكالىق ايماق اشۋ ماسەلەلەرى دە كوتەرىلدى.
دوڭگەلەك ۇستەل شەڭبەرىندە قاتىسۋشىلاردىڭ تالقىلانىپ وتىرعان ماسەلەلەر بويىنشا تاجىريبەلەرىن، وي-پىكىرلەرىن تالداپ قورىتۋ جانە تۇجىرىمداماعا دەربەس ەرەجە نەمەسە ونىڭ ءماتىنىن تولىقتىرا الاتىن ۇسىنىستارى ازىرلەنىپ، ءتيىستى مينيسترلىككە جولداناتىن بولادى.
ايتا كەتەلىك، بۇگىنگى تاڭدا قازاقستاندا 96 كينوتەاتر بار. ءبىر كينوسەانس بيلەتىنىڭ باعاسى ورتا ەسەپپەن - 960 تەڭگە تۇرادى. كينوسەانستار سانى بويىنشا وتاندىق كينوتۋىندىلاردىڭ ۇلەس سالماعى - 8 پايىزدى قۇرايدى. جىل سايىن مەملەكەت تاراپىنان كينو سالاسىنا - 4269 ميلليون تەڭگە بولىنەدى.