تاراز تۇرعىنى اتىس ۇيىمداستىرعان قىلمىسكەردى ۇستاۋدا كومەكتەسكەنى ءۇشىن ماراپاتتالادى
11:54, 13 - شىلدە 2016
استانا. قازاقپارات - تاراز تۇرعىنى پوليتسيامەن اتىس ۇيىمداستىرعان قىلمىسكەردى ۇستاۋدا كومەكتەسكەنى ءۇشىن ماراپاتتالاتىن بولدى، دەپ حابارلادى جامبىل وبلىسى ءى ءى د باسپا ءسوز قىزمەتى.
وبلىستىق ءى ءى د مالىمەتتەرى بويىنشا، ق ر ىشكى ىستەر ءمينيسترىنىڭ بۇيرىعىمەن ا. ماركين قارۋلى قىلمىسكەردى ۇستاۋدا ەرلىكپەن جانە كاسىبي اتسالىسقانى ءۇشىن «قۇقىق ءتارتىبىن قامتاماسىز ەتۋگە قوسقان ۇلەسى ءۇشىن» مەدالىنە لايىق دەپ تانىلدى.
ەسكە سالا كەتەيىك، 19- ماۋسىم كۇنى تارازدىڭ «تالاس» شاعىن اۋدانىندا بەلگىسىز بىرەۋ پوليتسيا قىزمەتكەرىنە وق اتىپ جارالاعان ەدى. ۇستاۋ كەزىندە كۇدىكتى دە جارالى بولعان.
پوليتسيا كۇدىكتىنىڭ بۇرىن سوتتالعان ادام رەتىندە ەسەپتە تۇرعانىن انىقتادى.