تەرەزا مەي وپات بولعان جاعدايعا ارناپ قۇپيا حات جازادى
سايكەسىنشە، ول يادرولىق شابۋىل جانە ۇكىمەتتىڭ قىرىلۋى جاعدايىندا اشىلاتىن قۇپيا حات جازۋى ءتيىس. بۇل ءراسىم بريتاندىق مينيسترلەر كابينەتىنىڭ جاڭا باسشىسى ورىنداۋعا ءتيىس حاتتامانىڭ ءبىر بولىگى بولىپ تابىلادى، دەپ جازادى ت ا س س.
مەي حانىم «سوڭعى ءۇمىت حاتىنىڭ» ءتورت داناسىن ءوز قولىمەن جازادى. ولار كونۆەرتكە سالىنىپ، مورمەن بەكىتىلىپ، يادرولىق وقتۇمسىعى بار Trident بالليستيكالىق زىمىرانىمەن قارۋلانعان ءتورت سۋاستى قايىقتارىنىڭ كومانديرلەرىنە جىبەرىلەدى. پرەمەر- ءمينيستردىڭ حاتتارى ورتالىق اسكەري سۇڭگۋىر قايىقتاردى باسقارۋ بەكەتتەرىندە ەكى سەيفتە ساقتالادى.
قۇجاتتاردىڭ ءماتىنى ەشقاشان حالىققا جاريالانبايدى. ۇكىمەت باسشىسىنىڭ كەتۋىمەن حاتتار جويىلۋى ءتيىس. حاتتا اپاتتى جاعدايدا جاسالاتىن ءتورت نۇسقانىڭ ءبىرى جازىلادى: كەرى يادرولىق شابۋىل جاساۋ نەمەسە باس تارتۋ، ءوز بەتىمەن اسكەري شەشىم قابىلداۋ نەمەسە وداقتاس مەملەكەتتىڭ قولباسشىلىعىنا كوشۋ.
59 جاستاعى تەرەزا مەي دۇيسەنبى كۇنى كونسەرۆاتورلىق پارتيانىڭ جەتەكشىسى اتاندى. بۇل ورىنعا تالاسقان ونىڭ جالعىز قارسىلاسى (ەنەرگەتيكا جانە كليماتتىڭ وزگەرۋ ماسەلەلەرى ءمينيسترىنىڭ ورىنباسارى اندرەا ليدسوم) سايلاۋ ناقانىنان كەتەتىنىن مالىمدەگەن ەدى.