پورتۋگالداردىڭ سۇڭگۋىر كەمەسى اۋعا ءتۇسىپ قالدى
08:08, 13 - شىلدە 2016
استانا. قازاقپارات - پورتۋگالداردىڭ Tridente سىنىبىنا جاتقىزىلاتىن سۇڭگۋىر كەمەسى ۇلى بريتانيا جاعالاۋىندا فرانسۋزدىق تراۋلەردىڭ اۋىنا ءتۇسىپ قالدى، دەپ حابارلايدى BBC اگەنتتىگى.
وقيعادان ەشكىم زارداپ شەكپەگەن. سۇڭگۋىر كەمە لام-مانش بۇعازىنداعى ارالدان ۇلى بريتانيا تەڭىز كۇشتەرىمەن بىرگە ءجۇزىپ جۇرگەن. ەكيپاج ءبىر ۋاقىتتا كەمەنىڭ جۇرۋىنە بىردەڭە كەدەرگى كەلىپ تۇرعانىن بايقاعان.
سۋ بەتىنە كوتەرىلگەندە عانا، سۋ استى كەمەسىنىڭ جاقىن ماڭدا جۇرگەن فرانسۋزداردىڭ «دايتون» اتتى تارۋلەرىنىڭ بالىق اۋلايتىن اۋىنا ورالىپ قالعانىن كورگەن. سۋ استى كەمەسى اۋدان شىعارىلدى.
Tridente سىنىبىنداعى سۇڭگۋىر كەمە ەلەكترمەن جۇرەدى، ديزەلدىك قوزعالتقىشىن تەك سۋ بەتىنە شىققاندا عانا پايدالانادى. ونىڭ ۇزىندىعى - 68 مەتر، سىيىمدىلىعى ەكى مىڭ توننا.