تاجىكستاندا سۇيىتىلعان گاز قۇياتىن بەكەت جارىلدى - كەسكىن
07:17, 13 - شىلدە 2016
استانا. قازاقپارات - تاجىكستاندا سۇيىتىلعان گاز قۇياتىن اۆتوبەكەتتە جارىلىس بولىپ، ءبىر ادام قازا تاۋىپ، بىرنەشە ادام جاراقات الدى.
بۇل تۋرالى «ناستوياشەە ۆرەميا» مەديا جوباسى حابارلادى.
وقىس وقيعا ەلدىڭ وڭتۇستىك-باتىسىنداعى حاتلون وبلىسىندا ورىن العان. جاريا ەتىلگەن ۆيدەودا ج م ق س ورتكە ورانا باستاعانى، كەيىننەن الاپات جارىلىس بولعانى كورسەتىلگەن. ونىڭ قۋاتتى بولعانى سونشالىق گاز قۇيىلاتىن تەمىر جول سيستەرناسى 500 مەتر جەرگە ۇشىپ تۇسكەن. بۇدان كەيىن ۇلكەن جالىن شىققان.
سوڭعى مالىمەتتەرگە سەنسەك، جارىلىستان 17 ادام زارداپ شەككەن، ءۇش ادام اۋىر حالدە جاتىر. توتەنشە جاعدايلار قىزمەتى وتتىڭ شىعۋىنا بەيقامدىق سەبەپشى بولدى دەپ مالىمدەگەن.