ەلوردادا «استانا موتورسپورت» كومانداسىنىڭ ەكيپاجدارى تانىستىرىلدى
ترانس كونتينەنتالدىق راللي-مارافونعا قاتىسىپ جاتقان «Astana Motorsports» كومانداسىنىڭ ەكيپاجدارىن تانىستىرۋ شاراسىنا ەلوردا اكىمى اسەت يسەكەشەۆ پەن «سامۇرىق-قازىنا» ۇ ا ق» ا ق باسقارۋشى ديرەكتورى، «استانا» پرەزيدەنتتىك سپورت كلۋبىنىڭ قامقورشىلار كەڭەسىنىڭ ءتوراعاسى دارحان قالەتايەۆ قاتىستى. سالتاناتتى شارا «بايتەرەك» مونۋمەنتىنىڭ الدىنداعى الاڭدا ءوتتى.
جارىسقا قاتىسۋشىلار قوستانايدان كەلە جاتىر، ەندى بالقاش جانە الماتى قالالارىنا بارادى. ەسكە سالايىق، «جىبەك جولى» راللي- مارافونى 9- شىلدەدە ماسكەۋدە قىزىل الاڭنان باستالدى.
- قازىرگى كەزدە ءبىزدىڭ كوماندا باعىندىرماعان تەك گوبي ءشولى عانا قالدى. بۇكىل اۆتوسپورت بۇل قۇمنان قورقادى. وندا باراتىندار از، ال بارعاندار بىردەن عاشىق بولادى. ءبىز بۇل سپورتتى ۇناتامىز، جانە جارىستىڭ وسى كەزەڭىن اسىعا كۇتەمىز. ناق وسى جەردە كەستە تۇبەگەيلى وزگەرەدى. جولىمىز بولاتىنىنا ۇمىتتەنەمىز، - دەدى «Astana Motorsports» كومانداسىنىڭ كاپيتانى، «داكار-2012» قول جۇلدەگەرى ارتۋر ارداۆيچۋس.
راللي-مارافونعا قاتىسۋشىلار «اق جولبارىس» ءۇشىن كۇرەسۋگە دايىن ەكەندىكتەرىن اتاپ ءوتتى، جەڭىمپازعا وسى جانۋاردىڭ ءمۇسىنى تابىستالادى.
جارىس 24- شىلدەدە بەيجىڭدە مارەگە جەتەدى.