ا. مىرزاحمەتوۆ: جايىلىمدى پايدالانۋشىلاردىڭ قۇقىقتارى مەن مىندەتتەرىن بەكىتۋ كەرەك
ق ر پرەمەر-ءمينيسترىنىڭ ورىنباسارى - اۋىل شارۋاشىلىعى ءمينيسترى اسقار مىرزاحمەتوۆ ۇكىمەت اسشىسى كارىم ءماسىموۆتىڭ توراعالىعىمەن وتكەن قوستاناي وبلىسىنداعى كەڭەستە وسىلاي دەپ مالىمدەدى.
بۇل تۋرالى ق ر ا ش م باسپا ءسوز قىزمەتىنەن حابارلادى.
«جايىلىمداردى پايدالانۋ ماسەلەلەرىن رەتتەۋ ءۇشىن مينيسترلىك پارلامەنتپەن بىرگە «جايىلىمدار تۋرالى» زاڭ جوباسىن ازىرلەۋ جانە ىلگەرىلەتۋ بويىنشا ءتيىستى جۇمىستار جۇرگىزىلۋدە»، - دەپ حابارلادى ول.
ءمينيستردىڭ ايتۋىنشا، اتالعان زاڭ جوباسىندا جايىلىمدى پايدالانۋشىلاردىڭ قۇقىقتارى مەن مىندەتتەرىن بەكىتۋ، جايىلىمداردى ءتيىمدى پايدالانۋ ماسەلەلەرىن رەتتەۋ، جايىلىم اينالىمى ۇستانىمىن ەنگىزۋ جانە جايىلىمدى پايدالانۋشىلاردىڭ بىرىگۋى ينستيتۋتىن قۇرۋ سىندى تارماقتار قاراستىرىلۋدا.
ايتا كەتەيىك، كەڭەسكە وبلىستىڭ جانە شەكارالاس ايماقتاردىڭ اۋىل شارۋاشىلىعى تاۋاروندىرۋشىلەرى، قىزىعۋشىلىق تانىتقان مەملەكەتتىك ورگاندار، «اتامەكەن» ۇ ك پ، «قازاقستاننىڭ ەت وداعى» د ك ج ز ت ب، «قازاقستاننىڭ ءسۇت وداعى» ز ت ب، «قازاقستاننىڭ قۇس وسىرۋشىلەر وداعى» ز ج ت ب، «قازاقستانىڭ فەرمەرلەر وداعى» ر ق ب جانە دە «قازاگرو» ۇ ب ح» ا ق وكىلدەرى مەن ەنشىلەس ۇيىمدارى قاتىستى.