ءماسىموۆ وتاندىق ەلەكتروموبيلدەردىڭ شىعارىلۋىمەن تانىستى

استانا. قازاقپارات - ق ر پرەمەر-ءمينيسترى كارىم ءماسىموۆ قوستاناي وبلىسىنا جۇمىس ساپارى بارىسىندا «سارى ارقا اۆتوپروم» ج ش س كاسىپورنىندا بولىپ، وتاندىق اۆتوكولىك قۇراستىرۋ سالاسىنىڭ جاڭا جەتىستىگىمەن تانىستى.

بۇل تۋرالى pm.kz حابارلادى.

«سارى ارقا اۆتو پروم» ج ش س - قوستانايداعى ءىرى كاسىپورىنداردىڭ ءبىرى. يندۋستريالاندىرۋ باعدارلاماسى اياسىندا مۇندا جاڭا ءوندىرىس - CКD- قۇراستىرۋ ادىسىمەن NOMAD مودەلىمەن Ssang Yong اۆتوموبيلدەرىن شىعارۋ ىسكە قوسىلدى.

كاسىپورىندى ارالاۋ كەزىندە كارىم ءماسىموۆ شىعارىلاتىن ءونىم جەلىسىمەن، ونىڭ ىشىندە وتاندىق ەلەكتروموبيلدەردىڭ شىعارىلۋىمەن تانىستى.

اۆتوموبيل ءوندىرىسى ايماق ەكونوميكاسىنىڭ دامۋىنا زور ۇلەسىن قوسىپ وتىرعانىن ايتا كەتكەن ءجون. ناق وسى سالاعا جالپى ايماق ءونىمىنىڭ ,3 تيەسىلى.

بيىلعى جىلدىڭ قاڭتار جانە مامىر ايلارىنىڭ ارالىعىندا 1665 Peugeot (فرانسيا)، Toyota (جاپونيا)، Ssang Yong (وڭتۇستىك كورەيا)، JAC (قىتاي) جاڭا اۆتوموبيلدەرى شىعارىلعان، ولار قازاقستاندىق نارىقتا زور سۇرانىسقا يە.

الداعى ۋاقىتتا JAC اتۆوموبيلدەرىنىڭ شاناقتارىن دانەكەرلەۋ جەلىسىن ورناتۋ جوسپارلانۋدا.

پرەمەر-مينيسترگە اۆتوقۇراۋشىتار شىعاراتىن يندۋستريالدىق ايماق تانىستىرىلدى.

كومپانيالار توبىنىڭ قۇرامىنا «سارىارقااۆتوپروم» كىرەتىن AllurGroup ديرەكتورلار كەڭەسىنىڭ ءتوراعاسى اندرەي لاۆرەنتيەۆ اۆتوكونتسەرننىڭ ءوندىرىستى كەڭەيتۋ بويىنشا جوسپارى تۋرالى باياندادى.

كاسىپكەردىڭ ايتۋىنشا، قازىرگى كەزدە AllurGroup CMC   قىتاي كورپوراتسياسىمەن ىنتىماقتاستىق ماسەلەلەرىن پىسىقتاپ جاتىر. تاراپتار بىرلەسكەن ءوندىرىس قۇرىپ، بولاشاقتا شىعارىلاتىن اۆتوموبيلدەردى شەتەلدەرگە ەكسپورتتاۋدى كوزدەۋدە.

بيزنەسمەن سونداي-اق بۇل ىسكە مەملەكەتتىك دەمەۋ قارجىنىڭ قاجەت ەمەستىگىن، ونىڭ تازا كوممەرتسيالىق جوبا ەكەنىن اتاپ ءوتتى. الايدا لاۆرەنتيەۆ قىتايلىق سەرىكتەس ءۇشىن ينۆەستيتسيالىق پرەفەرەنتسيالاردى ساقتاۋ قاجەتتىگىن ايتتى. بۇل جوبانى ەكونوميكالىق تۇرعىدان تارتىمدى ەتە تۇسپەك.

سونىمەن قاتار كارىم ءماسىموۆ اۋىل شارۋاشىلىعى تەحنيكاسىن قۇراستىراتىن تسەح جۇمىسىمەن تانىستى. «سارىارقااۆتوپروم» بازاسىندا استىق جينايتىن زاماناۋي Essil جانە New Holland كومبايندارى شىعارىلادى. ەلىمىز بويىنشا بۇل تەحنيكالارعا قىزمەت كورسەتۋمەن جانە جوندەۋمەن اينالىساتىن سەگىز فيليال جۇمىس ىستەۋدە.