بەردىبەك ساپاربايەۆ ايەلدىڭ اكىم بولۋىنا قارسى شىققانداردى ورنىنا قويدى
كەزەكتى وتىرىستاردىڭ بىرىندە اقتوبە وبلىسىنىڭ اكىمى ايەل ادامنىڭ ەل بيلەۋگە قاتىستى شەنەۋنىكتەردىڭ ويلارىنا قاتىستى ءوز پىكىرىن ءبىلدىردى دەپ جازادى tilshi.kz.
- ەندى جاستاردى قويىپ جاتىرمىز. ولارعا مۇمكىندىك بەرۋىمىز كەرەك. قىزدار دا بيلەۋ كەرەك. قاراڭىزدارشى، ءسانيا مۇسا قىزى (قالدىعۇلوۆا، اقتوبە وبلىستىق ءماسليحاتىنىڭ حاتشىسى -« ءتىلشى» ) قانداي ابىرويلى، قانشا جىلدان بەرى وسى وبلىستىڭ باسشىلىعىندا ءجۇر. ءسانيانىڭ سىڭلىلەرى دە (قىزمەتتە - اۆت. ) كوتەرىلۋى كەرەك، - دەدى وبلىس باسشىسى.
بەردىبەك ساپاربايەۆ بۇلبۇل كۇزەمبايەۆانىڭ بيلىككە كەلگەنىنە قاتىستى قاڭقۋ ءسوز ايتقاندارعا شۇيلىككەن سەكىلدى.
- «ويباي، مىنا قىزدى نەگە قويدى» دەپ شۋلاپ جاتىرمىز. «ول قىز نە ىستەي الادى، قولىنان نە كەلەدى» دەيمىز. كەشەگىدە ويىلدا بولعانىمدا وسى جونىندە ايتتىم. وسى جەردە وتىرعان ازاماتتارعا «ارالارىڭىزعا ءبىر قازاقتىڭ قىزى كەلدى، ونى قولداڭىزدار» دەدىم. وسى قىزدىڭ جامانىن جاسىرىپ، جاقسىسىن اسىرىڭىزدار. قولداۋ تانىتىپ، كومەكتەسسەڭىزدەر، ەرتەڭ (جاقسى اكىم بولىپ - ء«تىلشى» ) ءالى- اق شىعادى... ەگەر دۇرىس جۇمىس ىستەمەي جاتسا، تاعى دا كورە جاتارمىز» ، - دەدى ساپاربايەۆ.
ايتا كەتەيىك، ويىل اۋدانىنا اكىم بولىپ تاعايىندالعانعا دەيىن بۇلبۇل كۇزەمبايەۆا مارتوك اۋدانى اكىمىنىڭ ورىنباسارى قىزمەتىن اتقاردى. 1978 -جىلى دۇگنيەگە كەلگەن. جوعارى ءبىلىمدى، 2000 -جىلى باتىس قازاقستان مەملەكەتتىك ۋنيۆەرسيتەتىن «مۋزىكا ءمۇعالىمى» ماماندىعى بويىنشا ءتامامداعان.
ەڭبەك جولىن №2 مارتوك ورتا مەكتەبىندە ءان ساباعىنىڭ ءمۇعالىمى قىزمەتىنەن باستاعان. 2003-2007 -جىلدار ارالىعىندا مەكتەپ ديرەكتورى قىزمەتىن اتقارادى، 2007 - 2010 -جىلدارى - مارتوك اۋداندىق مادەنيەت جانە تىلدەردى باسقارۋ ءبولدىمىنىڭ باسشىسى.
2010-2011 -جىلدارى اقتوبە وبلىسى بالالاردى قورعاۋ دەپارتامەنتىندە ءبولىم باسشىسى قىزمەتىن اتقاردى، 2011 -جىلدىڭ قىركۇيەگىنەن بەرى مارتوك اۋدانى اكىمىنىڭ ورىنباسارى قىزمەتىندە بولدى.