شەتەل مەرگەندەرى قازاقستاندىق قارۋ- جاراقپەن سىنعا تۇسەدى

 استانا. قازاقپارات - ارميا حالىقارالىق ويىندارىنىڭ ەكى بايقاۋىنا قاتىسۋ ءۇشىن قازاقستانعا كەلەتىن مەرگەندەر مەن ارتيللەرياشىلار قازاقستاندىق قارۋ- جاراق جانە اسكەري تەحنيكامەن سايىستارعا قاتىسادى.

«مەرگەن شەبى» جانە «ارتيللەريالىق اتىس شەبەرلەرى» بايقاۋلارى ءۇشىن دراگۋنوۆتىڭ مەرگەن ۆينتوۆكاسى، 120 م م 2ب11 مينا اتقىشى جانە كوپ نىسانالى جەڭىل بروندالعان تارتقىش (ك ج ب ت) بەلگىلەندى. تالاپتارعا سايكەس بايقاۋدا كوماندالارعا تەحنيكالىق سيپاتتامالار بويىنشا ۇلگىلەر بەكىتىلگەن ۇلگىلەرگە بالامالى بولعان جاعدايدا ءوزىنىڭ قارۋ- جاراعى مەن اسكەري تەحنيكاسىن پايدالانۋعا رۇقسات ەتىلگەن. وسىعان وراي، انگولا، ارمەنيا. بەلارۋس، ۆەنەسۋەلا، زيمبابۆە، ءۇندىستان، يران، قىرعىزستان، قىتاي، موڭعوليا، وار- دان كەلگەن 12 كوماندا، ونىڭ ىشىندە، ءبىزدىڭ اسكەري قىزمەتشىلەر قازاقستاندىق تاراپ ۇسىنعان اسكەري تەحنيكا جانە قارۋ- جاراقپەن جارىستارعا قاتىسادى. بايقاۋلارعا ءوزىنىڭ قارۋ- جاراعى جانە تەحنيكاسىمەن تەك قانا رەسەي قاتىسادى. سەبەبى، ءدال سونداي ۇلگىلەرى بار.

ارميا حالىقارالىق ويىندارى اياسىنداعى بايقاۋلار قازاقستاندا العاش رەت وتەتىنىن ەستەرىڭىزگە سالا كەتەيىك. ۇزدىك مەرگەندەر مەن ارتيللەرياشىلاردىڭ باسەكەگە ءتۇسىپ، ب ا ق سىناساتىن جەرى «گۆاردەيسك» وقۋ- جاتتىعۋ پوليگونى بولماق. ەكى بايقاۋدى وتكىزۋ ءۇشىن ول جەردە قاجەتتى ينفراقۇرىلىم دايىنداپ قويىلدى. ارتيللەرياشىلار بايقاۋى ءۇشىن كەدەرگىلەرى بار ۇزىندىعى 2 شاقىرىم تاس جولدار. مەرگەندەر بايقاۋى ءۇشىن مەرگەن ۆينتوۆكاسىنان، تاپانشادان وق اتۋ جانە گراناتالار لاقتىرۋ ءۇشىن بارلاۋشىنىڭ سوقپاق جولى مەن شەپتەرىنىڭ ەلەمەنتتەرى بار تاس جول.

ارميا حالىقارالىق ويىندارى قازاقستان اۋماعىندا 2 - تامىزدا باستالادى. بۇگىنگى كۇنى 13 قاتىسۋشى ەل قاتىسۋعا نيەت ءبىلدىرىپ وتىر. 8 مەملەكەت، ياعني، اۋستريا، الجير، گەرمانيا، يزرايل، كۋبا، ناميبيا، ميانما وداعى، ساۋد ارابياسى قازاقستانعا وزدەرىنىڭ باقىلاۋشىلارىن جىبەرۋگە ءازىر.

bnews.kz