ش ق و اكىمدىگىندە ۇشتىلدىلىكتى دامىتۋ ماسەلەلەرى تالقىلاندى

استانا. قازاقپارات - شىعىس قازاقستان وبلىسىنىڭ اكىمى دانيال احمەتوۆتىڭ توراعالىعىمەن كەڭەيتىلگەن اپپارات كەڭەسى ءوتتى، كەڭەس بارىسىندا ق ر پرەزيدەنتىنىڭ «قازاقستان جاڭا جاھاندىق ناقتى احۋالدا: ءوسىم، رەفورمالار، دامۋ» جولداۋىندا ايتىلعان ينۆەستيتسيا تارتۋ مەن 2016-2019 وقۋ جىلدارىنا ارنالعان ۇشتىلدىلىكتى دامىتۋ سالالارىن جۇزەگە اسىرۋ ماسەلەلەرى قارالدى.

وبلىس اكىمىنىڭ باسپا ءسوز قىزمەتىنىڭ حابارلاۋىنشا، كاسىپكەرلىك جانە يندۋستريالىق-يننوۆاتسيالىق دامۋ باسقارما باسشىسىنىڭ ورىنباسارى جارقىن مۇساعاليەۆ وبلىستاعى ينۆەستيتسيالىق احۋال مەن ينۆەستيتسيا تارتۋ بويىنشا بايانداما جاسادى.

ءبىلىم بەرۋ باسقارماسىنىڭ باسشىسى ايجان سادىقوۆا 2016-2019 وقۋ جىلدارىنا ارنالعان ۇشتىلدىلىكتى دامىتۋدىڭ كەشەندى باعدارلاماسىنىڭ جۇزەگە اسىرىلۋى جايلى ايتىپ ءوتتى.

قارالعان ماسەلەلەر بويىنشا وبلىس اكىمى ناقتى تاپسىرمالار بەردى.