ت. تولەشەۆ ءوز سىبايلاستارىنا جوعارعى سوت ءتوراعاسى مەن ءى ءى م باسشىسى لاۋازىمدارىن ۋادە ەتكەن - فوتو

استانا. قازاقپارات - بيلىكتى كۇشپەن باسىپ العىسى كەلگەن بۇرىنعى بيزنەسمەن توقتار تولەشەۆ قازاقستان رەسپۋبليكاسىنىڭ قۇزىرلى ورگاندارىندا باسشىلىق قىزمەتىن اتقارعان سىبايلاستارىنا جوعارعى سوت پەن ىشكى ىستەر مينيسترلىگىندە لاۋازىمدى قىزمەتتەر الىپ بەرەمىن دەپ ۋادە ەتكەن.

بۇل تۋرالى بۇگىن ۇلتتىق قاۋىپسىزدىك كوميتەتى باسپا ءسوز قىزمەتىنىڭ ءتوراعاسى رۋسلان قاراسيەۆ ءمالىم ەتتى.

«تەرگەۋ انىقتاعانداي، باقتىبايەۆ پەن دوسقاليەۆ بيلىكتى كۇشپەن باسىپ الامىن دەگەن توقتار تولەشەۆتىڭ ويىنان حاباردار بولعان جانە ونى تولىقتاي قولداعان. مەملەكەتتىك توڭكەرىس جاساعان سوڭ ت. تولەشەۆ ولاردىڭ بىرەۋىنە جوعارعى سوتتىڭ ءتوراعاسى قىزمەتىن، ەكىنشىسىنە ىشكى ىستەر ءمينيسترىنىڭ قىزمەتىن الىپ بەرەمىن دەگەن. ال، اسكەري بولىمدەردىڭ باسشىلارى جۋمين مەن پەرنەبايەۆ زاڭسىز اقشالاي سىياقى ءۇشىن تولەشەۆكە اسكەري ۇشاق، اسكەري تەحنيكا مەن شتاتتاعى اسكەري ادامداردى بەرگەن. 2014-جىلدىڭ تامىزىندا توقتار تولەشەۆ وسى اسكەري الەۋەتتى پايدالانا وتىرىپ، وڭتۇستىك قازاقستان وبلىسى سايرام اۋدانىندا اسكەري-سپورتتىق شارا وتكىزگەن. ساكەن ايتبەكوۆ تولەشەۆتىڭ تاپسىرماسى بويىنشا لاۋازىمدى يەلەنە وتىرىپ، قىلمىس جاسادى دەپ ايىپتالۋدا»، - دەدى ر. قاراسيەۆ.

ەستەرىڭىزگە سالا كەتەيىك، ماۋسىم ايىندا ق ر ۇلتتىق قاۋىپسىزدىك كوميتەتى استانا، الماتى جانە شىمكەنت قالالارىندا ت. تولەشەۆتىڭ سىبايلاستارىن قولعا ءتۇسىردى. ولار: ق ر باس پروكۋرورىنىڭ بۇرىنعى ءبىرىنشى ورىنباسارى، ق ر كونستيتۋتسيالىق كەڭەسىنىڭ بۇرىنعى مۇشەسى، زاڭ سالاسى بويىنشا ەكىنشى كلاستاعى مەملەكەتتىك كەڭەسشى ءىلياس باقتىبايەۆ، وڭتۇستىك قازاقستان وبلىسى ىشكى ىستەر دەپارتامەنتىنىڭ بۇرىنعى باسشىسى، گەنەرال- مايور حيرباتوللا دوسقاليەۆ، و ق و ىشكى ىستەر دەپارتامەنتىنىڭ بۇرىنعى باسشىسىنىڭ بۇرىنعى ءبىرىنشى ورىنباسارى، پوليتسيا پولكوۆنيگى ساكەن الىبەكوۆ، ق ر قورعانىس مينيسترلىگى «وڭتۇستىك» وڭىرلىك قولباسشىلىعىنىڭ 35848 جانە 55652 اسكەري بولىمدەرىنىڭ كومانديرى، پولكوۆنيك بەكزات جۋمين مەن قايرات پەرنەبايەۆتار.