ت. تولەشيەۆتىڭ بيلىكتى كۇشپەن باسىپ الۋعا قالاي دايىندالعانى ەگجەي- تەگجەيلى ايتىلدى - فوتو
بۇعان دەيىن حابارلاعانىمىزداي، بيلىكتى باسىپ الۋ جوسپارىن ورىنداۋ ءۇشىن ت. تولەشەۆ الدىمەن ەلدەگى جاعدايدى تۇراقسىزداندىرۋعا ارەكەتتەنگەن. بۇل ءۇشىن ت. تولەشەۆ 2005- جانە 2010-جىلى قىرعىز رەسپۋبليكاسىندا بولعان جاعدايدى وتە مۇقيات زەرتتەگەن. ءتىپتى، قىرعىزستانعا ءوزى بارىپ، كەرەكتى ماتەريالدار مەن دەرەك-دايەكتەر ىزدەگەن. بيلىككە حالىق اراسىندا جاپپاي تارتىپسىزدىك ورناتىپ، حالىقتى نارازىلىققا ازعىرۋ ارقىلى كەلۋگە بولاتىنىن تۇسىنگەن ول بۇل ارام پيعىلىن قازاقستاننىڭ باتىسىندا تەز جۇزەگە اسىرۋعا بولادى دەگەن بولجامعا كەلگەن.
«بيلىكتى كۇشپەن باسىپ الۋ ارەكەتى وتكەن جىلدى باستالعانىن ايتا كەتۋ كەرەك. تولەشەۆتىڭ جانىندا جۇرگەن ادامداردىڭ تەرگەۋگە ايتىپ بەرگەنىندەي، 2015-جىلى ت. تولەشەۆ ءبىر سەنىمدى ادامىنا اتىراۋ قالاسىنىڭ تۇرعىندارىنا جەر ماسەلەسىنە قاتىستى قۇجاتتار مەن ءىرى كولەمدە اقشا بەرۋدى تاپسىرعان. اتىراۋ قالاسىنىڭ تۇرعىندارى ءساۋىر ايىندا نارازىلىق اكسياسىنا شىقتى. اقشا العان ادامدار ءساۋىر ايىندا اتىراۋدا جانە مامىر ايىندا الماتىدا زاڭسىز ميتينگتەر ۇيىمداستىرعان. تولەشەۆتىڭ كومەكشىلەرىنىڭ ءبىرى تەرگەۋگە 50 مىڭ ا ق ش دوللارىن ءوز ەركىمەن تاپسىردى. بۇل اقشا وسىنداي اكسيا ۇيىمداستىرۋ ءۇشىن قاجەتتى جوسپارلانباعان شىعىندى تولەۋگە ارنالعان بولىپ شىقتى»، - دەيدى ر. قاراسيەۆ.
ۇلتتىق قاۋىپسىزدىك كوميتەتىنىڭ اقپاراتىنا سۇيەنسەك، ۋاقىتشا قاماۋ وقشاۋلاعىشىنا تۇسكەننەن كەيىن ت. تولەشەۆ ونىمەن حابارلاسا الاتىن ادامدار ارقىلى وڭتۇستىك قازاقستان وبلىسىنىڭ سارى اعاش قالاسىندا جاپپاي تارتىپسىزدىك ۇيىمداستىرۋعا تالپىنعان. ت. تولەشەۆ ءارقايسىسىنا 120 دوللاردان بەرىپ، كەمىندە بەس مىڭ ادامدى كوتەرىڭدەر دەگەن بۇيرىق بەرەدى. ارتىنشا سارى اعاش قالاسىنىڭ ورتالىعىندا قارۋلى قاقتىعىس ۇيىمداستىرۋدى جوسپارلايدى.
«وسى جوسپارىنان قالدىرماي، ت. تولەشەۆ قازاقستاننىڭ قازىرگى زاڭناماسىنا وزگەرىس ەنگىزۋ جونىندە باعدارلامالىق قۇجاتتار ازىرلەۋمەن اينالىسقان. ول باعدارلامالىق قۇجاتتار تولەشەۆتىڭ كومەكشىسى تاسىعان كومپيۋتەرىنەن جانە ونىڭ جەكە كابينەتىنەن تابىلدى. تولەشەۆ ءوزىنىڭ جەكەمەنشىك بالامالى ۇكىمەتىنە تارتامىن دەگەن جەكەلەگەن ادامدارمەن اراداعى تەلەفون اڭگىمەلەرىن قۇجاتقا ءتۇسىرۋ دە اياقتالدى»، - دەپ حابارلادى ر. قاراسيەۆ.
ۇلتتىق قاۋىپسىزدىك كوميتەتىنىڭ ايتۋىنشا، قىلمىس الەمىندەگى حالىقارالىق توپتاردىڭ الدىندا بۇل ويعا ابدەن بەكىنگەنىن كورسەتۋ ءۇشىن ت. تولەشەۆ 2015-جىلدىڭ تامىزىندا اكەسىنىڭ تۋعان كۇنىن جامىلىپ، وڭتۇستىك قازاقستان وبلىسىندا اۋقىمدى اسكەري-سپورتتىق شارالار وتكىزگەن. وسى ساتتەر تۇسىرىلگەن بولجامدى بەينە جەلىدە ءجۇر. «اكەسىنىڭ تۋعان كۇنىنە» ارنالعان شاراعا ت. تولەشەۆ شتاتتاعى اسكەريلەردى، اۋىر اسكەري تەحنيكا مەن ق ر قورعانىس مينيسترلىگىنىڭ «وڭتۇستىك» ايماقتىق باسقارۋىنىڭ اسكەري بولىمىندەگى ءۇش اسكەري ۇشاقتى جۇمىلدىرا العان.
«ت. تولەشەۆتىڭ ارنايى شاقىرۋىمەن وسى شاراعا شەتەلدىك جەكمەنشىك اسكەري كومپانيالار كەلىپ، وققاعارلىق قابىلەتتەرىن پاش ەتكەن»، - دەپ حابارلادى ر. قاراسيەۆ.