اقتوبەدە ءدارى شىعاراتىن سەح اشىلدى
2012-جىلى اشىلعىن زاۋىت بۇعان دەيىن ميا تامىرى ءشارباتى مەن پەر-تۋسسين شىرىنىن شىعارىپ كەلگەن ەدى. جىلىنا 300-400 قۇتى سۇيىق ءدارى ىشكى نارىققا شىعارىلادى. جوباعا «بيزنەستىڭ جول كارتاسى-2020» باعدارلاماسى ارقىلى قارجىلاي قولداۋ كورسەتىلگەن. ەندى جاڭا سەحتا ءدارىنىڭ 4 ءتۇرى دايىندالادى. ءوندىرىس تولىق قۋاتتا جۇمىس ىستەسە، جىلىنا 3 ميلليون كاپسۋلا شىعارا الادى.
حالىقارالىق ستاندارتقا ساي ءونىم دايىندايتىن جەلى ءۇندىستاننان اكەلىنگەن. زاۋىتتا ارناۋلى ءبىلىمى بار 50 دەن استام كاسىپقوي مامان ەڭبەك ەتەدى.
«ءبىزدىڭ باسقا زاۋىتتاردان ەرەكشەلىگىمىز ءدارى-دارمەك باعاسى تومەن. ساپا جاعىنان دا باسەكەگە توتەپ بەرە الامىز. الەمدىك ستاندارتتارعا سايكەس دايىندايمىز. بولاشاقتا جەلىنى كەڭەيتىپ، ءونىم ءتۇرىن كوبەيتەمىز. جاقىندا قاتتى تابلەتكا تۇرىندەگى دارىلەر شىعارىلاتىن بولادى»، - دەيدى زاۋىت وكىلى گۇلنار يمانالينا.