قازاقستان قۇراماسىنىڭ دزيۋدوشىلارى ىرىكتەلدى
وعان ەلىمىزدىڭ ءار تۇپكىرىنەن 15 كوماندا قاتىسىپ، 454 جاس سپورتشى ءوزارا مىقتىلاردى انىقتادى.
جارىس قورىتىندىسى بويىنشا ەل بىرىنشىلىگىندە وڭتۇستىك قازاقستان وبلىسىنىڭ سپورتشىلارى كوش باستادى. ەكىنشى ورىنعا الماتى وبلىسىنان كەلگەن بالۋاندار جايعاستى. ال ۇزدىك ۇشتىكتى الماتى قالاسىنان كەلگەن جاسوسپىرىمدەر قانجىعالارىنا بايلادى.
بۇل چەمپيوناتتىڭ وزگە جارىستاردان ارتىقشىلىعى سىننان سۇرىنبەي ءوتىپ، جەڭىس تۇعىرىنان كورىنگەن بالۋاندار ەلىمىزدىڭ جاسوسپىرىمدەر قۇراماسىنا تاڭدالىپ الىندى. ۇزدىك اتانعان بالۋاندار ەندى الداعى ۋاقىتتا ۇلتتىق قۇراما حالىقارالىق دودالاردا ەل نامىسىن قورعايتىن بولادى.
ايتالىق، ەل بىرىنشىلىگىندە توپ جارعان سپورتشىلارىمىز ەندى 12-13- قاراشا كۇندەرى سلوۆەنيانىڭ گرادەك قالاسىندا وتەتىن حالىقارالىق تۋرنيرگە قاتىسادى.
اۆتور: كۇنسۇلتان وتارباي