قازاقستان ب ۇ ۇ رەفورمالانۋى ۇدەرىسىنە اسەر ەتە الادى - س. ساناۋبايەۆ
11:19, 09 - شىلدە 2016
قاراعاندى. قازاقپارات - قازاقستان ب ۇ ۇ قاۋىپسىزدىك كەڭەسىنىڭ تۇراقتى ەمەس مۇشەسى بولىپ، حالىقارالىق ۇيىمنىڭ رەفورمالانۋىنا اسەر ەتە الادى، دەپ سانايدى «قاراعاندى وبلىسى كاسىپكەرلەرىنىڭ قاۋىمداستىعى» ق ب اتقارۋشى ديرەكتورى سەرىك ساناۋبايەۆ.
«قازاقستاننىڭ ب ۇ ۇ قاۋىپسىزدىك كەڭەسىنىڭ تۇراقتى ەمەس مۇشەسى بولىپ سايلانۋى - بۇل اسا ماڭىزدى قۇبىلىس. كوپتەگەن ەلدەر وسىعان ۇمتىلادى، قازاقستان ورتا ازيانىڭ ەلدەرىنەن وزىپ كەتتى. مۇنداي شەشىمنىڭ قابىلدانۋىنا قازاقستاننىڭ قاۋىپسىزدىك، ەكولوگيا جانە وزگە دە جاھاندىق سالالارداعى ماسەلەلەر بويىنشا سىرتقى ساياسي جۇمىسى اسەر ەتكەنى ءسوزسىز»، - دەپ اتاپ ءوتتى بيزنەس-قوعامداستىق وكىلى.
سەرىك ساناۋبايەۆ ب ۇ ۇ قاۋىپسىزدىك كەڭەسىنىڭ تۇراقتى ەمەس مۇشەسى بولۋى قازاقستاننىڭ ءيميدجىن ارتتىراتىنىنا سەنىمدى.
«ق ر پرەزيدەنتى نۇرسۇلتان نازاربايەۆ ب ۇ ۇ تريبۋناسىندا ءسوز سويلەپ، اتالعان حالىقارالىق ۇيىمنىڭ رەفورمالاناتىنىن تىلگە تيەك ەتتى. مەنىڭ ويىمشا، ءبىزدىڭ ەلىمىز بۇل ۇدەرىسكە ەندى كوبىرەك اسەر ەتە الادى»، - دەدى س. ساناۋبايەۆ.