ك. ءماسىموۆ قازاقستاننىڭ باتىس وبلىستارىنا جۇمىس ساپارىمەن بارادى

استانا. قازاقپارات - سەلەكتورلىق رەجىمدە وتكەن ۇكىمەت وتىرىسى اياسىندا قازاقستاننىڭ پرەمەر-ءمينيسترى كارىم ءماسىموۆ باتىس وبلىستاردىڭ اكىمدەرىنە جۇمىس ساپارىمەن باراتىنىن مالىمدەدى.

اتالعان ۇندەۋدى ول اتىراۋ وبلىسىنداعى تەڭىز كەن ورنىن كەڭەيتۋ جوباسى تۋرالى ايتقان ق ر ەنەرگەتيكا ءمينيسترى قانات بوزىمبايەۆتىڭ سوزىنەن كەيىن ايتتى، دەپ جازادى pm.kz.

«ت ش و كەڭەيتۋ جوباسىن جۇزەگە اسىرۋ اياسىندا 24 مىڭ جۇمىس ورنى قۇرىلۋى ءتيىس، ونىڭ 19 مىڭى اتىراۋ وبلىسىنىڭ اۋماعىندا. جەرگىلىكتى قامتۋ شامامەن 2  دى قۇرايدى دەپ كۇتىلۋدە. 37 ميلليارد دوللاردىڭ 2، ياعني 12-13 ميلليارد دوللار مۇناي سەرۆيستىك كومپانيالار مەن جەتكىزۋشىلەر ارقىلى ەكونوميكاعا قۇيىلۋى ءتيىس. ءبىز ت ش و- عا كونسورتسيۋمدار نەمەسە بىرلەسكەن كومپانيالار قۇرعاننان كەيىن عانا باتىس كومپانيالارىن شاقىرۋدى ۇسىندىق»، - دەدى ق. بوزىمبايەۆ.

ءمينيستردىڭ ءسوزى كارىم ماسىموۆتەن قولداۋ تاپتى.

«باتىس وڭىرلەرگە، اتىراۋ، ماڭعىستاۋ وبلىستارىنا قاشان باراتىنىمدى الدىن الا قاراۋىم قاجەت. بۇل ماسەلەلەردى ءوزىڭىز ايتقان دەرەكتەردى ەسكەرە وتىرىپ، سول جەردە قاراۋ كەرەك. شەشىم قابىلدايمىز»، - دەدى ك. ءماسىموۆ.

ءوز كەزەگىندە اتىراۋ وبلىسىنىڭ اكىمى نۇرلان نوعايەۆ قازىرگى ۋاقىتتا سايكەس جۇمىس تاجىريبەسى بار مۇناي سەرۆيستىك كومپانيالار جۇمىلدىرىلعانىن ايتىپ ءوتتى.

«ت ش و كەڭەيتۋ تۋرالى جاڭالىق كومپانيالاردى جىگەرلەندىردى. ولار وسى جوباعا قاتىسۋعا نيەت ءبىلدىرىپ وتىر. باسقا وڭىرلەردەگى كومپانيالاردان ۇسىنىستار ءتۇسىپ جاتىر»، - دەپ باسا ايتتى ن. نوعايەۆ.