تايۆانداعى الاپات داۋىل - كەسكىن

استانا. قازاقپارات - تايۆاندا بولعان الاپات داۋىل ءۇش ادامنىڭ ءومىرىن قيىپ كەتتى. قاتتى جەل ءتىپتى ءبىر ادامدى اشىق تەڭىزگە الىپ كەتكەن.

سوڭعى مالىمەتتەرگە قاراعاندا، تابيعي اپاتتان ءۇش ادام مەرت بولىپ، 140 ى جارالانعان. جىلدامدىعى ساعاتىنا 240 شاقىرىمعا جەتكەن جەل ۇيلەردىڭ شاتىرلارىن ۇشىرىپ، اعاشتار مەن ەلەكتر باعانالارىن قۇلاتقان. قازىردىڭ وزىندە 520 مىڭ وتباسى جارىقسىز وتىر.

تايۆان بيلىگى 15 مىڭ ادامدى قاۋىپسىز جەرگە كوشىردى. جويقىن داۋىل سالدارىنان تۋىنداعان سۋ تاسقىنىنا قارسى كۇرەسكە 3 مىڭ سارباز جۇمىلدىرىلدى.