ۇجىممەن كەزدەسۋ بارىسىندا مينيستر اقپارات اگەنتتىگىن توعىز جىل باسقارعان داۋرەن دياروۆقا العىس ايتىپ، جاڭا باسشىنىڭ الدىنا جاڭا مىندەتتەر جۇكتەدى.
اسەل تولەگەنوۆا ءار جىلدارى ايماقتىق جانە رەسپۋبليكالىق تەلەارنالاردا جۋرناليست، جاڭالىقتار ءبولىمىنىڭ شەف- رەداكتورى قىزمەتىن اتقارعان. ءتورت جىلدان استام ۋاقىت بويى Tengrinews.kz اقپارات اگەنتتىگىنىڭ شىعارۋشى رەداكتورى، كەيىن اقپاراتتىق پورتالدىڭ باس رەداكتورى بولدى.
«جۋرناليستەر اسەلدى ءوز ءىسىنىڭ ناعىز مامانى، تالانتتى باسشى رەتىندە بىلەدى. جاڭا قىزمەتىندە وعان ەڭ مىقتى جوسپارلارىن جۇزەگە اسىرۋعا تىلەكتەسپىن. بۇگىنگى تاڭدا جاڭالىقتار رەسۋرستارىنىڭ اراسىنداعى باسەكە مىقتى، سوندىقتان عاسىرعا جۋىق تاريحى بار «قازاقپاراتتىڭ» مەديا سالاسىنداعى رەيتينگتە توپ جارۋى ءۇشىن كۇردەلى مودەرنيزاتسيا قاجەت» ، - دەدى د. ابايەۆ.