شەتەل عالىمى ستۋدەنتتەرمەن بىرىگىپ پاۆلوداردىڭ جاڭا كارتاسىن جاساماقشى
ۋنيۆەرسيتەتىنىڭ باسپا ءسوز قىزمەتىنىڭ حابارلاۋىنشا، وقۋ ورنىندا گەوگرافيا پروفەسسورى مەليندا لايتۋري جۇمىس ساپارىمەن كەلىپ، «تۋريزم» كافەدراسىنىڭ وقىتۋشىلارى جانە جاس عالىمدارىمەن كەزدەسكەن.
- ءبىز پاۆلودار قالاسىنىڭ كولىكتىك-لوگيستيكالىق حابتارى ءۇشىن ماسشتابتى كارتالاردى قۇرا الامىز. قۇرامىنا قالانىڭ دەرەك حورى، ينفراقۇرىلىمدارى ەنەتىن كارتالاردى جاساۋ ءۇشىن ArcGIS Open Source باستاپقى اشىق كودىمەن مامانداندىرىلعان باعدارلامالىق قامتاماسىز ەتۋدى قولدانىپ ءجۇرمىز. مۇنداي ءونىم پاۆلودارداعى ىشكى نارىقتا ۇسىنىلعان ونىمدەردەن الدەقايدا ساپالى. باعدارلامالىق ءونىمنىڭ نەگىزگى ەرەكشەلىكتەرىنىڭ ءبىرى - كولەمدى 3D كارتا قۇرىلىمى. سونداي-اق، اشىق جۇيەلى كود ەسەبىمەن 3D كارتوگرافىنىڭ يكەمدىلىگى، - دەيدى مەليندا لايتۋري.
ايتا كەتەرلىگى، ArcGIS پلاتفورماسىندا پاۆلوداردىڭ كارتوگرافيالىق مودەلىندەگى ينفراقۇرىلىم ەلەمەنتتەرىنىڭ قاتارىنا ءبىلىم بەرۋ، باسقارۋ، مادەنيەت سالالارىن قوسۋعا بولادى. بۇل جوبا الەمنىڭ ەفيوپيا، نەپال، كولۋمبيا، پەرۋ، ۋكراينا، يندونەزيا سىندى مەملەكەتتەرىنىڭ التى شاھارىندا ىسكە قوسىلدى.