وتاندىق شوۋ بيزنەس جۇلدىزدارى تويدان عانا ەمەس، سىياقىمەن دە بايىپ جاتىر
بۇل تۋرالى ك ت ك ارناسى جازدى.
«اۆتوردىڭ قۇقىعىن بۇزۋ بۇرىن اكىمشىلىك كودەكستە بولعان. قازىر قىلمىستىق كودەكستە. اۆتورلارعا تولەماقىسى كوبەيدى. ستاتيستيكا مالىمەتتەرىنە قاراساق، اۆتورلىق قوعامدار 60 پايىزدايىن تولەمنىڭ وسى قازاقستاندىق اۆتورلارعا تولەپ وتىر. ال، 40 پايىز شەتەلدىڭ ازاماتتارى مەن شەتەلدىك اۆتورلارعا جىبەرىلىپ وتىر» ، - دەيدى ادىلەت مينيسترلىگى، زياتكەرلىك مەنشىك قۇقىعى دەپارتامەنتىنىڭ ديرەكتورى ابزال ەستايەۆ
ياعني، قازىر انشىلەر ءناپاقاسىن تەك تويدان تاپپايدى. ولاردىڭ كافە، مەيرامحانالار مەن ءىرى مەرەكەلىك شارالاردا ورىندالعان ءار ءانى ءۇشىن اقشا تولەنەدى. ال، اۆتورلىق قۇقىق تۋرالى زاڭعا باعىنباعان 7 سايت ۋاقىتشا جابىلىپتى. جازالانعانداردىڭ سانى بۇدان دا كوپ بولار ەدى. الايدا، وتاندىق ارتىستەر قۇقىقتارىنىڭ ساقتالۋىنا كوبىنە ءمان بەرمەيدى ەكەن.
بۇگىن ادىلەت مينيسترلىگى استاناعا دۇنيەجۇزىلىك زياتكەرلىك ۇيىمىنىڭ، اۆتورلار مەن كومپازيتورلار حالىقارالىق قوعامىنىڭ جانە امەريكا، يتاليا، رەسەي، ازەربايجان سىندى بىرنەشە مەملەكەتتىڭ وكىلدەرىن جيناپ، ينتەرنەتتە جاريالانعان شىعارما اۆتورلارىنىڭ قۇقىعىن قورعاۋدىڭ جاڭا ادىستەرىن ۇيرەتتى. جيىننىڭ قورىتىندىسى بويىنشا اۆتورلىق قۇقىق تۋرالى زاڭعا وزگەرىس ەنگىزىپ، كۇزدە دەپۋتاتتارعا تانىستىرماق.