پ. پوروشەنكو: ۋكراينا قازاقستانمەن اراداعى ءوزارا ءتيىمدى ىنتىماقتاستىقتى جالعاستىرا بەرەدى
21:38, 07 - شىلدە 2016
استانا. قازاقپارات - قازاقستان پرەزيدەنتىنىڭ تۋعان كۇنىنە وراي ۋكراينا پرەزيدەنتى پەتر پوروشەنكو قۇتتىقتاۋ جولدادى، دەپ حابارلادى اقوردانىڭ باسپا ءسوز قىزمەتى.
پەتر پوروشەنكو نۇرسۇلتان نازاربايەۆقا مىقتى دەنساۋلىق، باق-بەرەكە تىلەپ، قازاقستان حالقىنىڭ يگىلىگى جولىنداعى جاۋاپتى مەملەكەتتىك قىزمەتىندە تابىستى بولۋىنا نيەتتەستىگىن جەتكىزگەن.
ۋكراينا پرەزيدەنتى قازاقستان تاراپى ب ۇ ۇ قاۋىپسىزدىك كەڭەسىنىڭ 2017-2018-جىلدارداعى تۇراقتى ەمەس مۇشەسى رەتىندەگى بيىك مارتەبەلى قىزمەتى اياسىندا ۋكراينا توڭىرەگىندەگى احۋالدى رەتتەۋ، سونداي-اق جاھاندىق بەيبىتشىلىك پەن قاۋىپسىزدىكتى ساقتاۋ ىسىنە ەلەۋلى ۇلەس قوساتىنىنا سەنىم بىلدىرەدى.
سونداي-اق پ. پوروشەنكو ۋكراينا قازاقستانمەن اراداعى ءوزارا ءتيىمدى كوپقىرلى ىنتىماقتاستىعىن ەكى ەلدىڭ يگىلىگى جولىندا جالعاستىرا بەرەتىنىن ايتقان.