ق ر پرەزيدەنتى مەملەكەتتىك ساياسي قىزمەتشىلەردىڭ جۇمىسىن باعالاۋدى جۇرگىزەتىن ۋاكىلەتتى ادامداردىڭ تىزبەسىن بەكىتتى

استانا. قازاقپارات - مەملەكەت باسشىسى نۇرسۇلتان نازاربايەۆ «مەملەكەتتىك ساياسي قىزمەتشىلەردىڭ جۇمىسىن باعالاۋدى جۇرگىزەتىن ۋاكىلەتتى ادامداردىڭ تىزبەسىن بەكىتۋ تۋرالى» جارلىققا قول قويدى، دەپ حابارلادى اقوردانىڭ باسپا ءسوز قىزمەتى.

قازاقستان رەسپۋبليكاسى پرەزيدەنتىنىڭ جارلىعى

مەملەكەتتىك ساياسي قىزمەتشىلەردىڭ جۇمىسىن باعالاۋدى جۇرگىزەتىن ۋاكىلەتتى ادامداردىڭ تىزبەسىن بەكىتۋ تۋرالى

«قازاقستان رەسپۋبليكاسىنىڭ مەملەكەتتىك قىزمەتى تۋرالى» 2015-جىلعى 23- قاراشاداعى قازاقستان رەسپۋبليكاسىنىڭ زاڭى 33-بابىنىڭ 2-تارماعىنا سايكەس قاۋلى ەتەمىن:

1. قوسا بەرىلىپ وتىرعان مەملەكەتتىك ساياسي قىزمەتشىلەردىڭ جۇمىسىن باعالاۋدى جۇرگىزەتىن ۋاكىلەتتى ادامداردىڭ تىزبەسى بەكىتىلسىن.

2. وسى جارلىق رەسمي جاريالانعان كۇنىنەن باستاپ قولدانىسقا ەنگىزىلەدى.

قازاقستان رەسپۋبليكاسىنىڭ

پرەزيدەنتى ن. نازاربايەۆ

استانا، اقوردا، 2016-جىلعى 4- شىلدە

295№