الەمدەگى ەڭ قىمبات قوناق ءۇي قاي قالادا ورنالاسقان؟

استانا. قازاقپارات - الەمدەگى ەڭ قىمبات قوناق ءۇي كەشەنى رەتىندە قاسيەتتى مەككە قالاسىنداعى Abraj Al-Bait عيماراتى باعالانىپ وتىر دەپ حابارلايدى muslim.kz.

سەگىز جىلعا سوزىلعان قوناق ءۇي قۇرىلىسىنا 15 ميلليارد دوللار جۇمسالعان كورىنەدى. عيماراتتىڭ جالپى اۋدانى 1,5 ميلليون شارشى مەتردى قۇرايدى. قوناق ءۇي كەشەنى كۇنىنە 100000 ادامدى قابىلداۋعا لايىقتالعان.

سونداي-اق، قوناق ءۇي كەشەنىنىڭ الىپ ساعات ورناتىلعان مۇنارالى بولىگى الەمدەگى ەڭ بيىك عيمارات بولىپ تابىلادى. ونىڭ بيىكتىگى - 601 مەتر. ال، ديامەترى 40 مەتردى قۇرايتىن الىپ ساعاتتى 20 شاقىرىم قاشىقتىقتان كورۋگە بولادى.

الەمدەگى ەڭ قىمبات قوناق تىزىمىندەگى ەكىنشى ورىن سينگاپۋردەگى Marina Bay Sands كەشەنىنە بۇيىرىپ وتىر. دەگەنمەن، بۇل قوناق ۇيگە جۇمسالعان قارجى كولەمى ءۇش ەسەگە از. 5 ميلليارد دوللار.

قىمبات قوناق ۇيلەر تىزىمىنە، سونداي-اق، قىتاي، ا ق ش جانە ب ا ءا- ءنىڭ ءبىرقاتار عيماراتتارى ەنگەن.