جاپونياعا جويقىن داۋىل كەلە جاتىر

استانا. قازاقپارات - جاپونياداعى جاز ماۋسىمىنىڭ اسا الاپات داۋىلى «نەپارتاك» وڭتۇستىكتەگى ساكيسيما ارحيپەلاگىنا جاقىنداپ قالدى، - دەپ حابارلايدى جاپونيانىڭ ورتالىق مەتەورولوگيالىق باسقارماسى.

قازىرگى ۋاقىتتا تايفۋن وكيناۆا پرەفەكتۋراسىنان تەڭىز بەتىندە ساعاتىنا 25 شاقىرىممەن سولتۇستىك- باتىسقا جىلجۋدا. تايفۋن ورتالىعىنداعى قىسىم 900 گەكتوپاسكال، جەلدىڭ جىلدامدىعى 60 م/س، قاتتى سوققاندا - 85 م/س دەيىن جەتەدى، - دەپ جازدى ريا نوۆوستي.

بەيسەنبىدەن جۇماعا قاراعان ءتۇنى تايفۋن ساكيسيما ارحيپەلاگىنا جاقىندايدى دەپ كۇتىلۋدە. جەلدىڭ كۇشى 25 م/س، قاتتى سوققاندا - 35 م/س بولۋى مۇمكىن. تايفۋن وزىمەن بىرگە نوسەر جاۋىن، داۋىلدى جەل اكەلەدى. تولقىنداردىڭ بيىكتىگى 9 مەترگە دەيىن كوتەرىلۋى مۇمكىن.