رەسەيدەگى قازاقتاردىڭ قۇرىلتايى وتەدى

استانا. قازاقپارات - تۇمەن وبلىسى قۇرىلتايعا دايىندىق ۇستىندە.

قۇرىلتاي سەنبى كۇنى، 9 -شىلدەدە قازان اۋدانىندا وتەدى، - دەپ حابارلايدى t-i.ru.

ءوڭىر باسشىسى ۆلاديمير ياكۋشيەۆ - ۇلتتىق مەرەكەلەردىڭ بەلسەندى قاتىسۋشىسى.

«بۇل مەرەكەنىڭ تاريحى تەرەڭ. ەرتەرەكتە قۇرىلتايعا ءتۇرلى ايماقتان، ءتۇرلى رۋ مەن تايپادان جينالىپ، ساياسي جانە ەكونوميكالىق ماسەلەلەردى تالقىلاعان: كىممەن تاتۋ، كىممەن سوعىسۋ كەرەك، حان سايلاۋ، جايىلىمدىق جەردى ءبولىسۋ سەكىلدى شارۋاشىلىق ماسەلەلەر قارالعان. ماڭىزدى وتىرىستان كەيىن داستارحان باسىنا جينالىپ، الامان بايگە وتكىزىپ، توي- دۋمان جاساعان» ، - دەيدى ۇلتتىق- قوعامدىق بىرلەستىكتەردى ۇيلەستىرۋ كەڭەسى پرەزيديۋمىنىڭ مۇشەسى جانە «تۇمەن وبلىسى قازاقتارىنىڭ ۇلتتىق- مادەني اۆتونومياسى» قوعامدىق ۇيىمىنىڭ پرەزيدەنتى ەسەنعالي يبرايەۆ.

بۇگىندە قازاقتار ءۇشىن قۇرىلتاي ماڭىزدى مەرەكەلەردىڭ ءبىرى. جىل سايىن تۇمەن وبلىسىندا ۇلكەن قۇرىلتاي وتەدى. 2015 -جىلى قۇرىلتايدى ەسىل ۇيىمداستىردى، وعان 4 مىڭداي حالىق جينالدى. بيىل قازان اۋدانىنا 85 جىل تولعاندىقتان (ونىڭ ۇستىنە، اۋماق قازاقستانمەن شەكارادا ورنالاسقان) قۇرىلتاي قازان اۋىلىندا وتەتىن بولدى.

جىل سايىن تۇمەن قۇرىلتايىنا قازاقستان وكىلدەرى قاتىسادى. بىزدە سولتۇستىك قازاقستاندىق قازاقستان حالقى اسسامبلەياسىمەن كەلىسىم جاسالعان. ولار دا اتسالىسادى.

قۇرىلتاي 9 -شىلدەدە قازان اۋىلىندا وتەدى، باستالۋى 11:00 دە.