استانا كۇنىنە ارنالعان مەرەكەلىك شارالار وتشاشۋمەن قورىتىندىلاندى - فوتو/كەسكىن

استانا. قازاقپارات - استانا كۇنىنە ارنالعان مەرەكەلىك شارالار داستۇرگە ساي 6 -شىلدە كۇنى قاس قارايعان شاقتا وتشاشۋمەن قورىتىندىلانادى.

بيىل دا بۇل ءۇردىس جالعاسىن تاپتى.

بىرەر ءسات بۇرىن ەسىل وزەنىنىڭ جاعاسىندا مەرەكەلىك وتشاشۋ بولدى. مۇنداعى وتشاشۋ كولەمى جاعىنان ەڭ ۇلكەنى دەپ ەسەپتەلەدى. سەبەبى، ول 10 مينۋتقا سوزىلدى، ءارى 15 مىڭ رەت دۇركىرەپ اتىلادى. وتشاشۋدى ەلوردانىڭ بارلىق بولىگىنەن تاماشالاۋ مۇمكىن بولدى. سەبەبى، قالا بويىنشا 5 جەردە، ناقتىراق ايتقاندا، ەسىل وزەنىنىڭ جاعالاۋى مەن اقبۇلاق شاعىناۋدانىندا، «حان شاتىر» ساۋدا- ساتتىق جانە ويىن- ساۋىق ورتالىعىنىڭ جانىنداعى الاڭدا جانە ابىلايحان داڭعىلى مەن پۋشكين كوشەسى قيىلىسىنداعى ساياباقتا، تەمىرجول ۆوكزالىنىڭ ماڭىنداعى «جاس باتىر» ستاديونىندا ءوتتى.