موڭعوليا پارلامەنتىنە سايلانعان قازاقتار
14:35, 06 - شىلدە 2016
استانا. قازاقپارات - شىلدەنىڭ 5- كۇنى موڭعوليادا جاڭادان سايلانعان پارلامەنت دەپۋتاتتارى انت قابىلدايدى. ولاردىڭ اراسىندا ءۇش ەتنيكالىق قازاق بار.
ماۋسىمنىڭ 29 - كۇنى موڭعوليادا پارلامەنت سايلاۋى ءوتتى. ءۇش پارتيا قاتىسقان سايلاۋدا موڭعوليا حالىق پارتياسى (ەلدى 1990 -جىلدارعا دەيىن باسقارعان بۇرىنعى كومپارتيا مۇراگەرى، ماركستىك يدەولوگيادان باس تارتىپ، سوتسياليستىك پارتياعا اينالعان، جۇرت " قىزىل پارتيا" دەيدى) پارلامەنتتەگى 76 ورىننىڭ 65 ىن الىپ، «بيلىك پارتياسى» اتاندى.