ي. تاسماعامبەتوۆ «باتىر ارۋلار» بايقاۋىنىڭ جەڭىمپازدارىن ماراپاتتادى - فوتو
بايقاۋ ءوز ءومىرىن اسكەرمەن بايلانىستىرۋعا بەل بۋعان، ولار ءۇشىن اسكەري قىزمەت جاي عانا جۇمىس ەمەس، ال ءومىر بەينەسى مەن ءستيلى بولىپ تابىلاتىن ۇزدىك ايەل اسكەري قىزمەتشىلەردى انىقتاۋ ءۇشىن ۇيىمداستىرىلعان.
بيىلعى جىلى «باتىر ارۋلار» بايقاۋى ەكىنشى مارتە وتكىزىلدى. ءبىراق، بۇل رەتتە ونىڭ اۋقىمى مەن بايقاۋعا ءار ەلدىڭ تۇرعىندارى بىلدىرگەن قىزىعۋشىلىق ارتا ءتۇستى. ينتەرنەت داۋىس بەرۋگە رەسەي، اقش، گەرمانيا، ۇلىبريتانيا، يندونەزيا، ءۇندىستان مەن ورتا ازيا ەلدەرىنىڭ پايدالانۋشىلارى بەلسەنە قاتىستى. ەكى ايلىق داۋىس بەرۋ ناتيجەسىندە كونكۋرسانتتارعا رەكوردتىق 253875 داۋىس سانى بەرىلدى. بۇل رەتتە تەحنيكالىق تالاپتار كۇشەيتىلدى. ينتەرنەت پايدالانۋشىلار ءبىر IP- ادرەستەن عانا داۋىس بەرە الدى. ناتيجەسىندە قازاقستاندىق ارميانىڭ ۇزدىك وكىلدەرى انىقتالدى.
قازاقستان رەسپۋبليكاسىنىڭ قورعانىس ءمينيسترى يمانعالي تاسماعامبەتوۆ 12 جەڭىمپازدى قۇتتىقتادى.
«قازاقستاننىڭ ارمياسىندا ايەل اسكەري قىزمەتشىلەر اتقارىپ وتىرعان لاۋازىمداردا اسكەري قىزمەتتى لايىقتى دەڭگەيدە اتقارادى. اسكەري قىزمەتتى وتكەرۋى بارىسىنداعى ولاردىڭ ايرىقشا قاسيەتتەرى جاۋاپكەرشىلىك پەن ادالدىق بولىپ تابىلادى. كۇردەلى، قاجىرلى ەڭبەكتى ارقالاپ جۇرگەن نازىك جاندى اسكەري قىزمەتشى ارۋلار قازاقستان قارۋلى كۇشتەرىنىڭ اسكەري ۇجىمدارىنا تىڭ جاڭالىق پەن جىلۋلىق ۇيالاتا وتىرىپ، ەرلەرمەن قاتار يىق تەڭەستىرىپ قىزمەت اتقارىپ ءجۇر»، - دەدى مينيستر.
بايقاۋعا بارلىعى 80 ايەل اسكەري قىزمەتشى قاتىستى. ولار قازاقستاننىڭ ءارتۇرلى وڭىرلەرىن، تۇرلەرى مەن اسكەر تەكتەرىن، اسكەري بولىمدەرىن، وڭىرلىك قولباسشىلىقتارى مەن اسكەري دارىگەرلەر مەن دەسانتشىلاردان باستاپ مۋزىكانتتار مەن بايلانىسشىلارعا دەيىن ءارتۇرلى اسكەري كاسىپ يەلەرىن پاش ەتتى. ماراپاتقا جانە قازاقستان قارۋلى كۇشتەرىنىڭ ۇزدىك وكىلدەرىنىڭ ءبىرى اتاعىنا يە بولۋ جولىندا كونكۋرسانتتار تالاي بەلەستەردەن ءوتتى.
قاتىسۋعا ءوتىنىم بەرگەن ساتتەن باستاپ جانە سالتاناتتى راسىمگە دەيىن ولار وق اتتى، بارلىق كەدەرگىلەردى ەڭسەردى، ۇرىس ماشينالارىن باعىندىردى، ءتىپتى، ارنايى تاپسىرمانى ورىنداۋعا اتتاندى. ەندى ولاردىڭ ءارقايسىسى «باتىر ارۋلار» مامانداندىرىلعان كۇنتىزبەسى بەتتەرىنىڭ ءسانىن كەلتىرەدى.
«اسكەري قىزمەت - بۇل ابىروي. مەن اسكەري ادام، ونىڭ ۇستىنە اسكەري مەديك بولعانىمدى ماقتان تۇتامىن. بۇل ماعان ەكى ەسە جاۋاپكەرشىلىكتى جۇكتەيدى» ، - دەپ بايقاۋ جەڭىمپازدارىنىڭ ءبىرى ق ر ق م باكگ بەت-جاق حيرۋرگياسى بولىمشەسىنىڭ اعا مامانى ەفرەيتور ايجان مۇسايەۆا اتاپ ءوتتى.