يسلام كارىموۆ ءوزىن كوسەم رەتىندە دارىپتەۋگە تىيىم سالدى

استانا. قازاقپارات - وزبەكستاننىڭ تەرمەز اۋدانىنداعى جۇرتپەن جۇزدەسۋدە يسلام كاريموۆ وزبەكستانداعى بەيبىتشىلىك پەن تۇراقتىلىققا سىڭىرگەن ەڭبەگى ءۇشىن ءوزىن ماداقتاعان اقساقالدىڭ ءسوزىن ءبولىپ، كوسەم رەتىندە دارىپتەلۋىنە «جەكە باسى قارسى» ەكەنىن مالىمدەدى.

«جوعارىدا كوسەم وتىر دەگەن ماعىناداعى سوزدەردى ءجيى قولدانعانىمىز دۇرىس بولمايدى. بارلىعىمىز اقىلمەن ءومىر ءسۇرۋىمىز كەرەك. ءبارىمىز دە ادامبىز. ءبارىمىزدىڭ دە اقىلىمىز، ومىرگە دەگەن كوزقاراسىمىز بار. وسى تۇرعىدان العاندا، «جوعارىدا وتىرعاندار نە ىستەۋ كەرەكتىگىن بىلەدى، ءبىز سولاردىڭ جارلىقتارىن عانا ورىندايمىز» دەگەن سەكىلدى اڭگىمەلەردىڭ بارلىعى باياعىدا ارتتا قالعان»، - دەپ مالىمدەدى تەرمەز اۋدانىنداعى كەزدەسۋدە يسلام كاريموۆ.

ونىڭ ايتۋىنشا، وزبەكستان ۇكىمەتى «ءوز پىكىرى بار تاۋەلسىز جاستاردى» تاربيەلەپ كەلەدى.