قازاقستاندىق تۋريستى تايلاندتا تۋك-تۋك كولىگى قاعىپ ءولتىردى
10:31, 05 - شىلدە 2016
استانا. قازاقپارات - جەكسەنبى كۇنى حۋاحيندە قازاقستاندىق تۋريست تۋك-تۋك دوڭگەلەگىنىڭ استىنا ءتۇسىپ، قازا تاپتى.
ەر ادام جاياۋ جۇرگىنشىلەرگە ارنالعان جولاقتان ءوتىپ بارا جاتقان، دەپ حابارلايدى Thaigovno.
وقيعا كۋاگەرلەرىنىڭ ايتۋىنشا، 48 جاستاعى كوبەت ايەلى ەكەۋى ماركەت ۆيللادجدان زاتتار ساتىپ العان. تۋريستەر جاياۋ جۇرگىنشىلەر جولىمەن وتە بەرگەندە، اياق استىنان تۋك-تۋك پايدا بولعان. ونىڭ 53 جاستاعى جۇرگىزۋشىسى سامنۋك جوعارى جىلدامدىقپەن كەلىپ، ءتۋريستى قاعىپ كەتكەن. باسسۇيەك- مي جاراقاتىن العان تۋريست وقيعا ورنىندا جان تاپسىردى.
تايلاندتىق الەۋمەتتىك جەلى قولدانۋشىلارى بيلىككە بۇل ماڭاي ءجيى اپات بولاتىن جەر ەكەنىن ايتىپ، باعدارشام ورناتۋدى ۇسىندى. تۋك- تۋك جۇرگىزۋشىسىنە ادام ءولتىرۋ فاكتىسى بويىنشا ايىپ تاعىلادى.