كوكشەتاۋلىق جىگىت «ءوزىن-ءوزى ۇرلايمىن» دەپ ۇياتقا قالدى
ۇستالعان جىگىت مۇنى جۇمىسقا بارماۋ ءۇشىن ايتقان ەكەن، دەپ حابارلادى وڭىرلىك ءى ءى د باسپا ءسوز قىزمەتىنەن.
«2- شىلدەدە كوكشەتاۋ ق. كەزەكشىلىك بولىمىنە 45 جاستاعى جەرگىلىكتى تۇرعىن كەلىپ، ءتارتىپ ساقشىلارعا ونىڭ ۇيالى تەلەفونىنا بالاسى قوڭىراۋ شالىپ، بەلگىسىز بىرەۋلەر ءۇي اۋلاسىنان ۇرلاپ اكەتىپ، بەلگىسىز جەردە ۇستاپ وتىرعانىن ايتقانىن جەتكىزدى»، - دەلىنگەن حابارلامادا.
ىزدەۋ شارالارىنا پوليتسيانىڭ كەشەندى كۇشى جۇمىلدىرىلدى. ءبىراز جۇمىس اتقارعان سوڭ «ۇرلانعاننىڭ» قايدا بولعانى انىقتالدى.
پوليتسەيلەر انىقتاعانداي، ونى ەشكىم ۇرلاماعان. دوستارىمەن ىشىمدىك ىشكەن جىگىت جۇمىسقا بارماس ءۇشىن اناسىنا ونى ۇرلادى دەپ وتىرىك ايتقان. الايدا بۇل ويىننىڭ سوڭى نە بولارىن بىلمەگەن.
ەندى وعان قاتىستى قىلمىستىق كودەكستىڭ 419- بابى 3- ءبولىمى بويىنشا قىلمىستىق ءىس قوزعالدى. ول ۋاقىتشا ۇستاۋ وقشاۋلاعىشىنا قامالدى.