ۇلى بريتانيانىڭ ەكس-ءمينيسترى يراكتا بولعان سوعىس ءۇشىن سوتتالۋى مۇمكىن

استانا. قازاقپارات - ۇلى بريتانيانىڭ ەكس-ءمينيسترى توني بلەردى ۇلى بريتانيالىق دەپۋتاتتار انگليانىڭ يراكتا بولعان سوعىسقا قاتىسۋىنا بايلانىستى زەرتتەۋدىڭ اياسىندا قىلمىستىق قۋدالاۋعا تارتپاقشى، - دەپ جازادى The Guardian.

لەيبوريستەر پارتياسىنىڭ دەپۋتاتتارى مەن شوتلاند ۇلتشىلدارى دجون چيلكوت كوميسسياسىنىڭ بايانداماسى جاريالانعان كۇنى يراكتا بولعان سوعىسقا ۇلى بريتانيالىقتاردىڭ قاتىسۋىنا بايلانىستى بلەردى جاۋاپكەرشىلىككە تارتقىسى كەلىپ وتىر.

سونىمەن قاتار، شوتلانديانىڭ ۇلتتىق پارتياسىنىڭ دەپۋتاتى الەكس سالموندتىڭ ايتۋىنشا، بۇعان سەبەپ يراكتا بولعان قاقتىعىستا 179 ۇلى بريتانيالىق سارباز بەن 150 مىڭ ادامنىڭ قازا تاۋىپ، الەمگە تەررورلىق قاۋىپتىڭ تونگەنى بولىپ وتىر.

اقپارات قۇرالدارىنىڭ مالىمەتىنشە، ۇلى بريتانيانىڭ بۇرىنعى پرەمەر-ءمينيسترى اسكەري قىلمىس ءۇشىن سوتتالۋى ەكىتالاي. ال حالىقارالىق سوتتىڭ رەسمي جاۋابىندا اسكەري ارەكەتتەردى باستاۋ تۋرالى شەشىمنىڭ بلەردىڭ قۇزىرەتىنەن تىس بولعانى ايتىلادى.
tengrinews.kz