ەلوردا الاڭىندا اسپازشىلار فەستيۆالى ءوتىپ جاتىر

استانا. قازاقپارات - قالالىق الاڭدا «اسپازشىلار شەبەرلىگى - سۇيىكتى قالاعا» اتتى ءتورتىنشى اسپازشىلار فەستيۆالىنىڭ اشىلۋ سالتاناتى ءوتتى.

شارا 6- شىلدەگە دەيىن جالعاسادى. وسى كۇندەرى داياشىلار، بارمەندەر مەن اسپازشىلار ءوزارا سايىسقا تۇسەدى. بۇگىن قازىلار القاسى ۇزدىك داياشىنى انىقتادى.

2 كەزەڭمەن وتكەن بايقاۋعا ەلوردالىق مەيرامحانا، كوفەحانا مەن كونديتەرلىك دۇكەندەردەن 7 ادام قاتىستى. داياشىلار الدىمەن وزدەرىنىڭ كاسىبي ماشىقتارىن كورسەتىپ، قولىنا ستاكاندار قويىلعان تاباقتى ۇستاپ، سيگۆەيمەن تاپسىرىستاردى تاراتتى. ەكىنشى كەزەڭ كۇردەلىرەك بولدى، ستاكاندارعا المانى ءدوپ تيگىزگەندەر از بولدى. بايقاۋ سوڭىندا قازىلار القاسى امانجولوۆ قۋاتتى ءبىراۋىزدان جەڭىمپاز دەپ تانىدى.

فەستيۆالدىڭ العاشقى كۇنى قازاقستاندىق ەسترادا جۇلدىزدارى: انشىلەر، مۋزىكانتتار مەن ءبي ۇجىمدارى ونەر كورسەتتى.