ەلباسى جاستاردى سپورتپەن اينالىسۋعا شاقىردى

استانا. قازاقپارات - ق ر پرەزيدەنتى نۇرسۇلتان نازاربايەۆ بارشا قازاقستاندىق جاستى سپورتپەن اينالىسۋعا شاقىردى.

«سپورتپەن اينالىسۋ ارقىلى ادامنىڭ بۇكىل عۇمىرىنا قاجەتتى جەڭىسكە دەگەن ەرىك-جىگەر، مىقتىلىق، العا قويىلعان ماقساتتارعا قول جەتكىزۋگە ۇمتىلىس سىندى ماڭىزدى ساپالار داميدى»، - دەدى ەلباسى بۇگىن اقوردادا ريو وليمپياداسىنا باراتىن سپورتشىلارمەن كەزدەسۋ بارىسىندا.

وسى رەتتە قازاقستان پرەزيدەنتى سپورتتىڭ دەنساۋلىق كەپىلى ەكەندىگىنە، ادام رۋحىن وياتىپ، وتانسۇيگىشتىككە باۋليتىندىعىنا باسا نازار اۋداردى.

«مەن وسى مۇمكىنشىلىكتى پايدالانا وتىرىپ، ءبىزدىڭ جاستاردى سپورتپەن، وزدەرىنىڭ دەنساۋلىقتارىمەن اينالىسىپ، سىزدەرگە ۇقساۋعا تىرىسۋعا شاقىرامىن»، - دەپ اتاپ ءوتتى مەملەكەت باسشىسى.

اۆتور: مارلان جيەمباي